Wy Lodewyc, grave van Vlaendren, hertoghe van Brabant, grave van Nevers, van Rethel ende here van Machline, doen te wetene allen lieden dat om te vulcommene ende te exe- qutien te stelne alsulc segghen ende ordenance als wy ghewyst hebben tusschen onseu

lieven neve den grave van Namen an deene zidc, ende den religieusen van den Dunen an dandere zide, als verre also onse vorseide segghen ende wysden angaen mochte om palinghe te doene van den Zytscorre, ligghende bi Raes Mulaerts polrekine, tusschen Hossenesse ende Hontenesse, groot wesende omtrent vierewaerf twintech achte ghemete lands. Wy als here ende prince van den lande, stelden daertoe van onse lieden met commissien dats te wetene meester Jaune van dcn Boongaerde, proofst van scnle Varelden van Ghend, onsen clerc ende raed, ende broeder Daneele onsen moermeester, om te roupene de vorseide paertien en'dc ulle andere diere toe behoorden gheroupen te sine ende up tstic te truckene ende den vorseide religieusen of te paelne ende te bewysene tvorseide Zytscor, groot wesende vierwaerf twintcch achte ghemete lands also vorseid es, ende voort daerin te doene al datter toebehoren soude ghedaen te sine, naer den inhoudene van onsen segghene vorseid. De welke onse commissarise up tstic trucken te zekeren daghe riepen partien ende hebben afghepaelt ende bewyst den vorseide religieusen tvorseide Zytscor, groot wesende viere waerf twintech achte ghemcte lands in alder manieren dat de cedule in hadde, die zy ons daerof overbrochten bezeghelt onder hare seghelen, inhoudende van woorde te woorde also hier naer vollecht. Dats te wetene dat tZytscor an Racs Mulaerts polrekin zy hcbben vonden breet, bi den landmcters die zy derover hadden, viere waerf twintech eude achte ghemete lands lettcl min of mcer, partien voorhoghen wesende. Ende hebben tvorseid Zytscor ghe- paelt in dese manicren: teerst eenen pael ghesct an den zuuthoost houc van den dike van den niewen polre voor tvoorthof, ende eenen anderen pael gheset jeghen den pael up de zee driebomende up twestende van der borch vau Cruninghe in Zeeland, de welke twee palen staen vcrscheeden twee hondert vertech roeden. Voort zoo eist ghepaclt met eenen ande- ren pale an de zee zide recht allanc de zee oostwaert draghende, dewelke pael staet ver- scheedcn van den vorseiden pale, die drieboomt up de borch van Cruninghe, hondert vierwaerf twintech roedcn. Ende dese vorseide pael, die oostwaert draecht, staet vertech roeden gheliende den noortwest houke van Raes Mulaerts polrekine vorseid. De welke pa- linghe vorseid wy boven approuveren ende confirmeren over onse hoir ende naercommers graven van Vlaenderen, ende willen datse also ghehouden zy van den vorseiden partien ten eeweliken dughen, naer onsen segghene ende ordenance, die wy tusschen den vorseiden partien daerof ghewyst hebben, in oorconscepen van dese lettren beseghelt met onsen seghele. Ghegheven tAndwerpen den twee ende twintechsten dach van Novembre, int jaer ons Heren dusentech drie hondert achte ende sestech.

Bi minen here in sinen raet u present. Lahb.

757