Universis presentes litteras inspecturis Johannes sancti Andree juxta Brugis ordinis sancti

Benedicti et Nicholaus de Eechout in Brugis ordinis sancti Augustini monasteriorum abbates,

Tornacensis dyocesis, salutem in Domino sempiternam. Noverit vestra universitas quod nos

vidimus, legimus, manutenuimus ac diligenter inspeximus litteras sanctissimi in Christo patris

ac Domini domini digna Dei providentia Johannis pape vicesimi secundi non cancellatas, non

abolitas, non abrasas aut in aliqua sui parte viciatas, sed sanas et integras, omnique suspi-

tione carentes, vera bulla plumbea in filo serico bullatas, formam que sequitur continentes.

Johannes episcopus servus servorum Dei dilectis filiis .... abbati cistercii cetrisque abbatibus

et universis conventibus cisterciensis ordinis, salutem et apostolicam benedictionem. Inter

ceteros regularium ordinum professores in Dei ecclesia militantes illud ordini vestro et

vobis ad spirituales laudes asscribitur quod preter alia per que virtutum Domino gratum

impenditis holocaustum, libenter voces vestras cum reverentia et devotione debitis in divinis

celebrandis officiis exaltatis sperantes per hoc vocum vestrarum organa velut intensiones

gratas ipsi domino placitura. Exhibita siquidem nobis vestra petitio continebat, quod cum

generaliter monasteria et loca vestra sint in desertis locis et solitudinariis et a cetibus

hominum segregata ut possitis liberius vacare divinis et per exaltationem vocum et jubilum

cordium devotum impendere Domino famulatum cum divinorum officiorum cultus ad majus

vestrum cedat solamen et majorem refectionein vestris proficiat animabus, nec voces vestre audiri

possint ab aliis in nemoribus ct desertis emisse; nonnulli Bomanorum pontifices predecessores

nostri premissis in specialem considerationem adductis vobis et eidem ordini per specialia

privilegia indulserunt ut tempore generalis interdicti liceret vobis in monasterio et locis

"vestris, interdictis et excommunicatis exclusis, alta voce divina offitia celebrare. Cum autem

per quasdam constitutiones post dicta indulta a felicis recordationis Bonifatio VIII et Clemcnte V,

Romanis pontificibus, predecessoribus nostris, editas hujusmodi privilegiis derogetur et

propter hoc oporteat vos in monasteriis vestris tempore interdicti prefati divinorum suspendere

iU

organa et ab exaltatione vocum et jubilationibus in divinis decantandis laudibus abstinere, idque sicut asseritis magnam vobis turbationem adducat, et nonnulli juvenes dicti ordinis effitiantur exinde circa divina offitia desides et remissi, nobis humiliter supplicastis ut providere vobis super hoc pro consolatione vestra, de benignitate apostolica, dignaremur. Nos igitur ob spiritualium virtutum studia quibus ferventer insistitis votis vestris, que sperandum est ex devotionis fonte procedere, favorabiliter annuentes, vestris in hac parte supplicationibus inclinati, auctoritate vobis presentium indulgemus ut constitutionibus eorumdem Bonifatii et Glementis, seu quibuslibet aliis super hoc in contrarium editis nequaquam obstantibus, Iiceat vobis in vestris monasteriis taliter segregatis, tempore generalis interdicti, januis clausis et extraneis aliquibus non admissis, alta voce divina offitia celebrare, dummodo vos causam non dederitis interdicto. Nulli ergo omnino hominum liceat hanc paginam nostre conces- sionis infringere vel ei ausu temerario contraire. Siquis autem hoc attemptare presumpserit indignationem omnipotentis Dei et beatorum Petri et Pauli apostolorum ejus se noverit incursurum. Datum Avinioni kal. Martii, pontificatus nostri anno decimo. Et nos Johannes et Nicholaus predictorum monasterii abbates, in testimonium nostre diligentis inspectionis, sigilla nostra presentibus litteris duximus apponenda. Datum anno Domini millesimo trecen- tesimo septuagesimo octavo, quarta die mensis Junii.

Et ego Guillelmus protonotarius Tornacensis diocesis publicus, apostolica et imperiali auctoritatibus notarius juratus, quia facta diligenti collatione per me de presentibus litteris per alium fideliter scriptis, ad litteras apostolicas originales suprascriptas una cum distinctis viris, Domino Johanne de Blankenberghe et Johanne Dieraerd, presbitris Tornacensis diocesis, testibus ad hoc convocatis, sub anno Domini et die predictis, ponti- ficatus sanctissimi in Christo patris et Domini nostri Domini Urbani divina providentia pape sexti, anno primo, utrasque litteras in omnibus et pro omnia concordare inveni, nil addito vel abstracto quod vitiet sensum, aut vitiet intellectum; igitur presentibus itteris signum incidimus consuetum una cum sigillis dominorum Johannis et Nicholai predictorum monas- teriorum abbatum impendentis apposui rogatus propter hoc et requisitus in testimonium validitatis premissorum.