B. Dei gratia Trajectensis episcopus. Omnibus prepositis, decanis et presbyteris in diocesi sua constitutis, salutem in Domino. Universitati vestre notum esse volumus fratres de Dunis in Flandria, a domno imperatore et filio ejus ab omni theloneo vel tributo esse absolutos, quotiens illos aliqua ad usus proprios pertinentia per terram suam vel per aquam transferre contingat. Nos etiam pietatis intuitu illis prodesse cupientes, omnibus qui nostre juris- dictionis esse noscuntur, in virtute obedientie precipiendo mandamus ut de quocumque memorati fratres conquesti fuerint, qui eos in hac parte molestare presumpserit, pro excommunicato habeatur, nec quisquam illo presente, divina audeat celebrare, nisi resipiscens sepe dictis fratribus congruam satisfactionem exhibeat.