Wie Pieter Doedemakere, deken, Joos van sinte Baefs, Lauwereins vander Buerse ende Jacob van Roeselare, wettelike deelmans int tscaermers ambocht in Brucghe, in dien tiden dat dese dinghen vor ons waren ghedaen, doen te weitene allen den ghuenen die dese lettren sullen zien iof horen leisen, dat camen vor ons alse vor den Deken ende vor deel- mans vorseid Jan Heins de Maesschenare, dewelke vorseid Jan Heins machtich was ghemaecht van den habt van den Dunen, in kennessen van deelmans vorseid landdischeet te nemene, ende landdischeet te ghevene of heen zide ende Roeyeer van den Doorne of ander zide ende begheerden an beden zideu vorseid te hebbene heen recht landdischeet haerleider huusinghen ende lande staende en ligghende te gadere in de snaggaerdsstrate, ande noord- zide van der strate ende naer haerleider beder begheerten; so waren wie vorseide deelmans ghemaend van onsen dekcn vorseid, van den rechte die maninghe ontfanghen wie vorseide deelmans wiisden dat wie beghecrden te hoorne ende te ziene tsaerters iof levende hoer- conscepe die van desen vorseide landdischede verclaersinghe maecten up datse yement van den vorseiden paertyen adden die ghehoord ende ghezicn worden, wiere daer naer meer of gemaend wie zonder recht of wysen ende aldaer so daden zie hem of an beden ziden vorseid, van allen tsaerters die hemleiden hier of te baten comen mochten ende wie hoor- den alle die hoorconscepe die ziere an beden ziden of ghehoord wilden hebben, ende naerden vorseide tsaerters, of ghedaen ende hoorconscepe ghehoord, so waren wie vorseide deelmans vort ghemaend van onsen deken vorseid, van den rechte die maninghe ontfan- ghen wie vorseide deelmans, wysden naerder goeder claerre wareiden die wieleiden der of verstonden ende bi der goeder informaessyen die wiere of adden van Aernonde van Huutkerke ende van Janne Zuuine.der stede van Brucghe ghezuorne weerclieden, dat Rocher

732

vorseid hebben ende behouden sal voren ter straten, buten den poste van zinen huus an de westzide van den vorseide poste, daert cruuskin anstaet, drie voeten ende henen alven voet, metter stede voeten ghemeten ende tue dumen west waerds, noerdwaerds streckende biden drade neffens der slicliter erden tote up den steninen pilaer daert cruuskin an staet, die staet ande hooft zide van den niewen muere, die van zuden comt in do rechte middele van den vorseideu cruuskinne, ende bede muere ende pilaer vorseid toe behoord den habt van den Dunen, dit es haerleider rechte landdisscheet an beden paertyen vorseid ende hier of zyn tue tsaerters; heens danof dat de abt vorseid den henen heeft ende Roeiaer vor- seid den anderen heeft. In kennessen van desen dinghen hebben wie deken ende deelmans vorseid, dese letteren bezeighelt huut anghende met onsen zeighelen. Dit was ghedaen int jaer ons Heren als men screef dusentich drie hondert zevene ende viertich up sinte Beertelmeeus dach.