labbaye des Dunes.

Nous Gujs, cuens de Flandres et marchis de Namur, faisons savoir a tous, ke comme grant tans a fust par toute nostre tierre de Flandres fais generalment uns coramaudemens et une deffense de par tresnoble et treshaute dame jadis nostre chiere dame et mere Margherite de bonne memoire, contesse jadis de Fiandres et de Hajnau et de par nous ke nule abbaye, cglysse, maisons de religion, priestre, clcrc, gens non nobles, u autres deffensables a la loj nacquisissent en nostre tierrc de Flandres, fies, rentes, titres, hjre- tages et autres scmblans acques, ki meuscent de nous et encontre le commandement et le dcffensc desue dis religieus homme li abbes et li couvens deleglise des Dunes aient acquis cn nosire tierre de Flandres, u par accas, u par dons daumosnes, tierres, censives, rentes et autres chozes, si ke chi apries seront nommees dc nous mouvans, cest a savoir dcus mesures de tierre, gisans ou mestiers de Berghes en le paroche de Zintines, ke Williames et Jehans fil Wils aumosnerent. Itera chiunc mesures de tierre acatees a Margherite, vaive Jehan de Holebourg de Berghes. Item quinze sols de rente par an ke Jehans de Hoke aumosna et les assena sour une et demie musures de tierre. Item ke freres Bobbekins aumosna quatre mesures de tierre gjsans en Elverdinghe de la baillie dYpres. Item ke messires Ernous dou Bos capelains aumosna et ki acatees furent a Bauduin Stalpard trois mesures de tierre gisans en le paroche de Dodenkerke de le baillie de Furnes. Item ke Murgherite femme Bikoard, fil Trissen, aumosna deus mesures de tierre. Item en Koxeide accatees a Lippin, fil Agathe, deus liues de tierre. Item aumosna en testament Bikoards, fius Trissen tierres ki rentent par an hjretaulement vint sols. Item present li dite eglise des Dunes eu paiement de Alould, fil Margherite et de se femme uue mesure et un quart de tierre gisans en Oestdunkerke. Item acquis a Crestelot Gnepard quatre lines de tierre, gisans en le dite paroche. Itcm ke Hannekins, fius Weitkin, aumosna demie mesure de tierrc desous le pre- vost de Bruges. Item ke li dis Hannekins aumosna une line de tierre en Wulpes. ltem en Barascappelle ke Jehau Mien aumosna tierres.ki rentent chiunc sols par an. Item ke Kerstine Pipers aumosna deus mesures etdemie.ki rentent par an vint sols et gisent en Odinkerke. Item ke li dite Kerstine aumosna quatre*mesures de tierre gisans en Lo. Item ke Agnes de Dikeraue aumosna trois mesures de tierre et trente quatre lines gisans en le paroche de Kasekinskerke. Item acquis par le portier des Dunes sjs mesures de tierre. Item ke Godeskans, fils Moenin, aumosna une mesure de tierre gjsant en Bamscappelle. Item acquis

6SS

a Margherite, fille Lotin Rubels et ses enfans quatre mesures de tierre gisans en Willem- cappelle et en Avencapelle. A Ponet, fil Willard, deus mesures de tierre gysans en Willem- capelle. ltem a Wautier Sac.et Mehaut sa femme, en saint Nicholas de Furnes, une mesure de ticrre. Item en le dite paroche a le fille Splenters deus mesures de tierre. Item ke Willems, fius Rikoard, aumosna une mesure et treute sept lines, gisans en Oestdunkerke. Item ke li dis portiers accata au dit Willems siept lines de tierre, gisans en le dite paroche. Item kil eut de le recognoiscance Jehan Aghelsteen et se femme vint sols de rente par an sour deus mesures de tierre en le dite paroche. ltem ke Jehans Trailoet et se femme h recogneurent siscante sols par an sour quatre mesures et une line de tierre gisans en Wulpes. Item kil accata a Gillion, fil Wautier Hughemans, trois mesures de tierre gisans en Willemscappelle. Item ki accatei fu pour lenfermerie des Dunes a Willame dArdembourg et a sa fcmme trois mesures de ticrre gisans en Willemscappelle. ltem ke Daniaus Moer et sa femme aumosnerent tierres gisans en Keyem, ki rentent par an dys sols. Item aumosna une demisiel Agnies dcmie mesure de tierres gisant cn Hessine. Item aumosna dame Margheritc de Dikcmue trois mesures et vint chiunc hevos de tierre. Item aumosna Godelief quatre mesures de tierre. Item acquis en Ridrevorde et en Wingine deus et demi boniers et sis cens de tierre. Item aumosna Philippes Ram sys mesures de tierres, gisans en Nivekerke den coste Rlankeinberghe. Item ke dame Natalie, vaive Thomas, aumosna deus mesures de tierres, gysans en Houthawe daleis Rruges. Item frere Jehans Hellebuc aumosna une mesure et trente et trois hevos de tierre, gisans en le paroche de nostre dame dArdembourg. Item ke messires Ernous dou Ros aumosna deus et demie mesures de tierres gisans en Ysendike et demie mesure et quarante hevos gisans en Hamere et aient tout chist acquest ester fait sans le congie de nostre chiere dame et mere dessus dite u lc nostre et sans nostre assent ke faire nc Ieur loisoit ensi comme il appert par lenqueste sour che faite par nos gens ke nous aviemes a che mis. Nous conniscons ke li devantdit religieus homme li abbes et li couvens deseure dis, pour eaus et pour leur maison ont asseis fait envers nous et a nostre grei plainement de lamende ke nous lor demandiens u demander pourriens des finnanches ke faire deurent a nous pour loquoison des deseur nommes acques kacquis ont dusques au jour de huy et ke faire ne leur Ioi- soit si ke deseure est dit. Et en avons quitteis et quittons les devantdis abbei et cou- vent a tous jours et greons ke les deseures nommes acques tiennent as us et as costumes dou pays sauve en toutes autres chose a nous et a nos hoirs contes de Flandres tous nos autres drois et sauves aussi tous drois dautrui. En tiesmoignage des queles choses toutes nous avons a ches presentes Iettres fait mettre nostre saiel. Che fu fait et donnei lan de grasse mil deus cens quatre vins et quinze, le vendredi apries le jour de May.

656