Wic Louis vau Mourkerke, Jhan van Siessele, Boudenc van Dudsele, rudders, Weinin van Varsenare, Willem die Walgherlinc, Arnoud Brantin, Wouter Taruscoef, Wouler Beinfin, Bolbrecht die Damhoudre, Jhan Stacioet ende Pieter Anselrn, scepcn van den vrien, doen te wetenne alle den ghenen die desen lettren sullen sien ende horen lesen, dat cam vor ons binden ambochte van Lisseweghe te Heis, daer vierschare ghebannen was, wettclike orame die noot van den lande Karstiaen, filius Weitins, ende nam raed ende taleman ende toghede daer dat hie ware coemen upten laedsten claghedach te Brugghe en ibanne vier- schare te wetten ende te rechter dinghetyt als die ghene die lant ende goefhadde binder wateringhe van Heyensluis ende dic daer sluismeester ware tientiden, ende dat hie meentre ware in die wateringhe van Beinghersvliete, ende dat daer ene insete ghewiist hadde ghe- wesen bi wette ende bi vonnesse van vrien sccpen ende dat danof ghebrekenesse waren, ende dat danof die van Beinghersvliete sculdich waren cost te draghene alse varre als die chartre in heeft, die danof ghcmaect es, ende dat hie hem van al descn vorseiden sticken daer hadde vermeten hulpen an sccpcn diet hem dacr te wetten bekenneden, ende hadde beghert datter camen scepen van den ambochten ende van wedersyts ambochts ende man vans heren halven van soendaghes upten dardendach ter vorseider stede ende dat me daer vierschare becne wcttclike ende besaghe die noot ende dat me die vorseide insete vort leedde, also groot, also dicke, also hoogh, ende also langh, alst vorwyst was , waert daer, waert in andren steden daert scepen nutten ende orbaerhc dochten, met al der ghere cos- ten diere cost toe sculdich waren te draghene ende talder ghcre bate dieren bate of scul- dich waren te hebbenen. Ende spraker so varre toe ende te wetten dat ghewyst was wettelike, dalter soudc coemen man vans heren halven metter wet van sondaghes upten dardendach ter vorseider stede ende dat me daer virschare bannen soude wetlelike enden besien die noot. Ende dat me die insete daer vort leden soude also groot als scepen nutte ende orbaer- lic dochte met alder ghcre, coste diere coste toe sculdkh waren te draghene ende talde ghere bate diere bate of sculdich waren te nemenen, ende dat me daer daghede dien van Beinghersvlieten wettelike omme te hoorne of siere iet toe sprekeu wilden bi der redenen dat sie winnen ende verliesen mochten ant stic, ende dat so varre ihaudelt was waer bi dat sie daer wettelike ghedaeght stonden, ende zeide wel die vorseide Karstiaen, filius Weitins,

677

spraker iemenen jeghen die dinc, ne ware also ghevaren dies vermate hie hem hulpe an scepen. ende begherde dat me die vorseide insete leedde also als der wet nutte ende orbaer- lic dochte. Daer nam Jhan, filius Gosins, raet ende taleman te sprekene ten selven sticken als die gene die meentre was binder wateringhe van Reinghersvliete, ende togheder toe alse varre als hie dede. Ende daer waren wie vorseide scepen ghemaent van Diedricke van Snippegate, crichoudre van den vrien Bruxen ambochte, tientiden onsen wettelikeh maenre, wats sculdich ware te wesene met allen rechte; ende daer ghesien die noot, wysden wie vorseide scepen: Kenneden sccpen alse vele alst sculdich waren te kenne, dat die dingh also ghevaren ware als hem Diederic van Snippegate vermeten hadde over Karstiaen, filius Weitins, in sire tale, so dochte ons dat recht ende wysden, omme die redene dat wie ver- stonden dat dat vrie scepen te wetten hier vormaels ghewyst hadden, dat men die vorseide insete leede vort also als soe van westen coemt oestwaert, streckende ende lopende duere Heis, ende an vallende an den Groenen Diic, die van oesten coemt die ene middewarde jeghen dandre, al daer die pit ent pael van ons scepenen vorseit ghemaket es .. ende dese vorseide insete, seven roeden met aerden bclopen beneden, ende een ende twintich voete hoogh, vyf vierendeel roeden boven breet, ende die twe deel van der laghe buten, ende dardendeel binnen, ende ene roede barems buten ende vyf vierendeel roeden binnen; ende drie vierendeel binnen tere zaedgracht ende die aerde van der zaedgracht te lecghene in den stadel van den dike souffisantelicke uteghedolven ende al dander aerde buten te nemene sdyx bouf, het ne ware dat faute ware van aerden buten, ende dannen binnen te nemene aldaert den dycscepen nutst ende orbaerlixt dinken sal, ende dit met al der ghere coste diere cost toe sculdich siin te draghene ende talder ghere bate diere bate of sculdich syn te hebbene, behouden dies dat die van Reinghersvliete hier toe cost draghen alse varre ende also groot als die chartre in heeft, die danof mencioen maket, ende als dit wlcomen es dat die van Reinghersvlieten quite syn vortan van diere insete, ende of ander- side ghehouden ende ghebouden bliven alse varre als die chartre in heeft, die danof men- cioen maket, bede te bate ende te commere den eenen ambochte ende den andren vorseit. Ende dit wergh an te vanghene tesen naesten maendaghe souffisanteleke ende daer an te werkene toter tyt dat wldaen es, ende den ouden dyc te helpene, te boetene ende te hou- dene met potene ende met dikene ten meesten proufite ende ter meester nutscepen van den lande metter ghere coste diere cost hier vormaels toe daden ende cost sculdich syn toe te draghene; ende ware dat sake dat henof fauten ware datter elc meentre toe spreken mochte, te wetten omme dit vorseide vonnesse te houdennen sonder enighen wetteliken cla- ghere daer toen te kiesenne, hadde die vorseide Karstiacn, filius Weitins, sine helpe daer hem die bet, ne haddise daer niet dat hiesen borghede ende brochte upten naesten din- ghedach. Ende daer was ghemaent van sire helpe, ende daer hadde hie wettelike wlle helpe van al dies dat hie hem vermat in siren tale, ende daer so bent die crichoudre wetteliken te stane alse langhe alst sculdich ware te siane, met akler ghere coste diere cost toe sculdich waren te draghene ende talder ghere bate diere bate of sculdich waren te hebbene. Eude oinirio dat wie vorseide scepen van den vrien willen dat dese slickcn vast bliven ende ghestade so hebben wie dese lettren beseghelt met onsen seglen uthanghende, in kennessen. Dat was ghedaen Dinxendaghes na half vastene, anno Domini M* CCC° primo.

678