appelé Oestmoer.

Nous Guis, cuens de Flandres et marchis de Namuer, faisons savoir a tous ke nous avons vendu bien et loiament, par le main Huon de le Vulstrate nostre foiable seeriant, bourgeois de Gant, a homes religieus nos boins amis labbeit et le couvent del abbie de Dunes, vint et deus bouniers de muer a tout le treffons, gisant en le paroche de Hulst ou liu con apiele Oestmoere, tenans d'une part, et d'autre au muer de le diteabbie, cascun bounier pour trente livres de le monnoie de Flandres, cest en somme siis cens sisante libres de le dite monnoie, dont nous nos tenons bien a paiiet en bonc monoie et bien contée des devant dis labbeit et le couvent, et che muer devant dit a tout le treffons prometons nous a warandier a le devant dite abbie de Dunes pour nous et pour nos hoirs contes de Flandres , perpetuelment contre tous permi sis deniers de cent par an de cascun bounier, a paiier a nous bries de Assenede a le saint Rémi cascun an et double cens toutes les fois ke li devant dis muers atout le treffons ira de mains en autre et quatre deniers pour mètre en nos bries le non de celui ki i enterra. Et pour chou ke ceste chose soit ferme et estante et bien tenue as devant dis., labbeit et le couvent del abbie de Dunes, avons nous ces présentes lettres saielees de nostre saieel, ki furent faites et donneis le an de grâce mil deus cens quatre vins et quinze, el mois de Jule.

574