In nomine Patris et Filii et Spiritus Sancti. Amen. Adam, Dei gratia Morinensis episcopus, omnibus presens scriptum inspicientibus, in Domino salutem. Notum facimus, tam presentibus quam futuris, quod Cristina, uxor Johannis cognomento Sapientis, burgensis Yprensis, ob remedium anime sue, in puram et perpetuam elemosinam contulit conventui beate Marie de Dunis ad pitantiam in anniversario suo redditum unius firtonis solvendum in medio Martio singulis annis, de mensura que jacet in angulo ubi via dividitur qua itur ad portam, que vocatur Buterporta et ad portam que dicitur porta Templi, quam faber quidam inhabitat.

517

Agnes etiam, quondam uxor Johannis Aurige, burgensis Yprensis, predicto conventui similiter ad anniversarium suum redditum unius firtonis, predicto termino annuatim solvendum in perpetuum elemosinam assignavit, de mansura que jacet in platea, que vocatur Nordstrata, ad occidentem, quam Johannes Zadelara inhabitat. Ut igitur he donationes elemosinarum fixe et stabilcs in perpetuum permanere debeant, presentem scedulam in testimonium rei geste, sigillo nostro duximus muniendam. Actum anno Domini M° CC° vigesimo quarto, apud Ypram. Iliis testibus adhibitis scilicet: Frumaldo abbate de Sinnebeka, Hugone preposito Yprensi, Willelmo decano Lilensi, Roberto decano Christianitatis Yprensis, magistro Milono canonico Carnotensi, Matheo Panfileth monacho de Claromarisco, Lamberto de Ghelewa canonico Yprensi et aliis multis clericis et laicis.