Wy Willem Boetin ende Roeland de Ram, mannen van leene ons gheduchts heren shertoghen van Bourgogne, grave van Vlaendren, doen te weitene allen lieden dat commen zyn voor ons in propre personen, joncfrouw Margriete Pans, wedewe Jan Bampoels, Pieter Bampoel, Venant Bampoel, Maye Bampoels ende Betkyn Bampoels, kyndrcn van ghemelden bedde joncfrouw Margrieten voornoemt, kenden ende lyeden dat zy beloveden ende hebben belooft testament dat joncfrouw Margriete haerleider moeder bin haren ghezonden leivenden live gheoordineert ende ghemaect heift, wel ende ghetrouwelike te houdene ende te vul- commene, als rechte oyrs ende aeldynghe van haerleider moeder voornoemt, ende dat np de paine ende de verbuerte van vichtiene ponden groten tornoysen vlaenderscher mointen, van zinen deele voren of gaende diere enighe rebelheede jeghen doen zoude. Ende waerd zo dat ant vorseid testament faute ende ghebrec ware cnde niet ghchouden no vulcomen ware inder maniere also baer testament in houdt ende mentioen maect, zo hebben Pieter, Venant, Maye ende Betkyn voornoemt, elc zonderlynghe ende elc over al, verbonden ende verbinden hemlieden zelven ende haerleider goed muebel ende onmuebel, present ende toe te commene, waerd es eude gheleighen zy, ende zal wesen vonden binden lande van Vlaen- deren of der buten, inde paine ende mise voorseid, ende die te inue metten constrainte van den vyfsten pennynghe sheren bouf, niet tjeghen staende cessatie van wetten, no respyt van oorloghen, ende als hier toe zo hebben hem Pieter, Venant, Maye ende Betkyn als aeldynghe voorseid, elc zonderlynghe ende elc over al, gherenonchiert ende renonchieren specialike Pieter ende Venant, crune, cruce ghenomen of te nemene, ende Maye ende Betkyn alle maniere van ordinen ghenomen of te nemene, ende voort elc zonderlynghe ende elc allene vrylaetsceip, laetsceip ende ansen, tallen helpen van privilegen, tallen lettren van gracien die gheimpetreirt zyn of gheimpetreirt mochte wesen, ende te allen andren vryhei- den ende beschudden, in zo wat manieren dat het zoude moghen wesen, die den voorseiden kyndren in dit stic zoude moghen commen te baten, ende den testamenteres of den bryngher deis briefs tonbaten of te deeren. In kennessen der waerheiden zo hebben wy mannen voornoomt, dese lettren ghezeighelt met onsen zeighelen ter beghaerte van beede paertyen. Ghedaen int jaer ons Heren M GCCC ende drie en twyntich, den xxviij" dach in Laumaend.

777