Nous Robers, ainsnes fils au conte de Flandres, tenans le franke administration de la contei de Flandres, advoes Darras, sires de Bethune et de Denremonde, faisons savoir a tous ke nous avons vendu bien et loyalement par le main de nostre foiable varlet Jehan de le Piere, venduer de nostre moer a no chiere et bone amie damoysele Gertrud, fille Poel Bucforens, deus bouniers cent vint et chiunc verges de meur a tout le treffons, gisans en le office de Hulst, del un leis en coste le muer de Dunes et del autre leis en coste le moer de Boudelo, dou quel vendage nous lui avons donnei chascun bounier de muer a tout le treffons pour trente livres de le monnoie de Flandres et summe chis vendages sisante et quatre livres, trois sols quatre deniers. Item lui avons tout donnei pour quatre livres, siis sols, wiit deniers, somme de ches deux veudages en deniers, sisante wiit livres diis soles de le mon- noie devant dite, desquels deniers tous nous nos tenons asols et apaiies dou desus dite damoysele Ghertud plainement et entieremcnt. Et en avons quittei et desorendroit quittons pour nous et pour nos hoirs a tout iours, le dite damisele Ghertrud et ses hoirs perpe- tuelment. Et lui avons promis pour nous et pour nos hoiers conte de Flandres a tout iours le desus dit vendage de moer a tout le treffons warandir contre tous a lui et a ses hoirs perpetuelment parmi siis deniers de cens par an pour chascun bounir de muer a tout le trefons, a paiier chascun an au jour saint Remi as recheveurs de nos rentes et cens des lius u li vendage desus dit gist et parmi double cens toutes fois ke ,li muers desus dit a tout le treffons iront dune main en autre et parmi quatre deniers pour metre cn nos brief le non de celui ki entrera, et devons faire avoir au dite damoysele Ghertrud et ses successeurs voie et watergan a lor frait et a lor coust, pour le moer des vendages desus dis vuidier. Et pour souvenance, seurtei et tesmoiguage des choses desus dites, avons nous fait metre a ches presentes lettres nostre saiel, qui faites et dounees furent lan de grace mil trois cens, le jour de saint Philippe et de saint Jakeme.

371