ln nomine Patris et Filii et Spiritus sancti. Amen. Ego Philippus dictus Warregaren, laycus oppidanus Brugensis, cruccsignatus, ac terram sanctam Jherosolimitanam visitare para

611

tus, in presentia testium infrascriptorum ad hoc specialiter convocatorum, ac etiam roga- torum, ob remedium peccatorum meorum, meum testamentum, seu meam ultimam voluntatem quocunque nomine censeatur, condo et ordino in hunc modum: In primis ordino et dis- pono ut quum, jubente Domino, me ab hac vita migrare contigerit, post obitus mei certam denuntiationem, si in extcris regionibus me mori contigerit, distribui volo ecclesie de Ver- senara xx solidos, quos xx solidos distribuendos post obitum meum do, lego simpliciter absolute et pure ecclesie antedicte. Item do, lego xx solidos distribuendos pauperibus in ecclesia de Versenare ad eorum mensam, ut est moris. Item do, lego leprosis in Brugis, in loco qui dicitur sancte Marie Magdalene manentibus xx solidos. Item do, lego ad fabricam ecclesie sancti Salvatoris in Brugis xx solidos. Item do, lego ad domum sancti Spiritus in Brugis xx solidos distribuendos ibidem pauperibus qui dicuntur scamelhuzeweke, ut est moris. Item do, lego hospitali sancti Johannis.in Brugis xx solidos. Item do, lego ad fabricam ecclesie beate Marie in Brugis xx solidos. ltem do, lego fratribus minoribus in Brugis in libras ad pytantiam. Item do, lego ad fabricam dictorum fratrum minoruin xi, solidos. Item do, lego fratribus predicatoribus in Brugis iii libras ad pytantiam. Item do, lego fra- tribus de Monte Carmeli in Brugis x solidos. Item do, lego simpliciter absolute et pure xx libras conventui de Thosan ad emendos redditus perpetuos, distribuendos eidem conventui ad pytantiam die, quo meum anniversarium occurrerit, observandum-, sed in certa pecunio quantitate omnia jam pretacta, ut supra, do, lego simpliciter, absolute et pure. Item ordino, dispono et assigno xx libras ad restitutionem faciendam, siquis se lesum a me fuisse. in aliquo detulerit. Item ordino et dispono quod omnia utensilia et supellectilia domus, quam ego cum uxore mea inhabito, seu inhabitabo tempore quo decedam, si premori me con- tingat uxori mee Heylesote, que supervixerit boni viri arbitrio estimanda, pariter et utenda remaneant quoad vivet. Item ordino et dispono, do, lego quinquaginta libras Heylesote, uxori mec, de medietate bonorum nostrorum commuuium me contingeute ita quod dicte quin- quaginta libre dicte uxori mee utensilitate remaneant quoadvivet. Item do, lego dicte uxori mee Heylesote octavam partem mansiotiis, site in villa Brugis, in vico qui vocatur Nortstrate, quam Margareta, mater dicte Heylesote, uxorismee, inhabitat, que nobis ex for- mortura patris dicte uxoris mee contingebat, dictam partem mansionis boni viri arbitrio estimandam, dicte uxori mee Heylesote do, lego utendam quoad vivet. Post mortem autem ipsius, utensilia et suppellectilia ac quinquaginta libras, ac partem mansionis pro rata me contingentia. Besidua quoque mobilia et immobilia omnia, quorum mentio superius non est facta, testamentariorum, seu executorum meorum infrascriptorum dispositioni relinquo, ut inde nomine meo ordinent et disponant, prout secundum Deum saluti anime mee viderint expedire. In premissis omnibus ut congruit exsequendis et quibus etiam ordinatio, seu com- missa dispositio facienda fuerit ordinandis testamentarios meos et mei executores testamenti eligo fratrem Balduinum de Gistella, dictum priorem de Thosan, de voluntate et licentia abbatis sui, dominum Lamsinum, dictum Ovtrlandre, laycum oppidanura Brugis. Si vero post obitum meum ex premissis executoribus, seu testamentariis meis aliquem meo nondum ad finem debitum testamento perducto decedere, vel ad statum hujusmodi in quo meam non possit exequi voluntatem venire contigerit, qui dictorum executorum superfuerit que dicto- rum omnium excquenda fuerint, vel etiam ordinanda exequatur seu ordinet et disponat.

612

Si vero neuter eorum qui possit disponere supradicta et exequi, sive facere que superius sunt expressa, superfuerit, abbas de Thosan qui pro terapore fuerit exequatur, ordinet et disponat prout est expressum superius, que disponenda, ordinanda fuerint, vel ut con- venit exequenda. Si autem filium, vel fortassis posthumum michi agnosci contigerit illum michi heredem instituo in legitima sibi debita portione. Ceteris in testamento, seu mea ultima voluntate presenti expressis in suo roboro duraturis. Hoc autem volo et ordino et servari precipio, quod si dicta mea dispositio, seu ordinatio predicta, jure non valeat testa- menti, valeat saltem jure codicillorum, seu alterius cujuscunque ultime voluntatis. Et rogo vos magistrum Gervasium, canonicum ac scolasticum beati Donatiani in Brugis, ac vos dominum Basilium, canonicum sancti Basilii in Brugis, ac vos dominum Bobertum, dictum militem, laycum oppidanum Brugis, quos in testes, ut tactum est superius, convocari pariter et rogavi ut in testimonium et robur premissorum preseutem litteram testamentariam, sive mee dis- positionis et ultime voluntatis comprehensivam, vestrorum munimine sigillorum ad perpetuam rei memoriam roboretis. Et quum ego proprium, cui fides valeat adhiberi, sigillum non habeo, rogo vos dictum abbatem dc Hecoute, ut vcstrum sigillum vice mei ducatis presen- tibus apponendum. Unde ad preces et instantiam testatoris, seu dispositoris predicti, nos abbas de Hecoute presentes litteras nostro sigillo fecimus roborari. Nos etiam testes predicti ad preces et instantiam testatoris, seu dispositoris predicti, videlicet testes ab ipso vocati pariter et rogati premissis omnibus interfuimus, ea intelleximus et in omnium testimonium prescntes litteras sigillis nostris duximus roborandas. Actum et datum anno Domini M° CC° sexagesimo nono, sabbato ante Nativitatem beati Johanois Baptiste.