Universis presentes litteras inspecturis frater Th. dictus abbas de Dunis, salutem in Domino. Universitati vestre tenore presentis notum fiat, quod Johannes, dictus de Angulo et Margareta uxor ejus, qui per longum tempus in domo nostra de Brugis moram fecerunt, dederunt nobis coram scabinis bergensibus et lege patrie quoddam mansuale, immediate jacens juxta domum nostram in predicta villa sitam, versus occidentem, in puram et perpetuam elemosi- nam nobis et ecclesie nostre perpetuo possidendam, ita quod quicquid edificatum fuerit in dicto masuali, sive domus, vel slabulum, vel coquina, vel quicquid aliud poterit superedificari ecclesie nostre erit, tali conditione medianle, quod predictus Johannes et Margareta uxor ejus, in domo.vel mansura que ibidem fiet manebunt, usque ad mortem suam, ita quod nullus heres eorundem post mortem ipsorum in dicta domo, vel mansura aliquid juris habebit nec nos in hac parte calumpniari poterit. Hinc est quod ex pie devotionis affectu-, quam ad domum et ecclesiam nostram accepimus eos habere concessimus eisdem plenariam participa- tionem omuium bonorum, que facta sunt in domo et ecclesia nostra, et de cetero fient Domino dante. Insupcr scpulturam suam, quam apud nos elegerunt, concessimus eisdem. In- super quisqnis corum prius moritur si alter eorum nubere voluerit, in dicta mansura morari poterit usque ad mortem suam, si autem post nuptias viderit quod melius in mansura, si potcrit providere faciat, quod si visum fuerit expedire et si postquam de dicta mansura

593

exierit, penitus venit, reverti non poterit in eandem. Adjectum fuit etiam quod dicta domus, vel mansura erit interclusa et predicti Johannes et Margareta uxor ejus manebunt in illa parte mansure versus occidentem, cujus mansuale, sicut supra taxatum est, nobis tradiderunt. De reliqua parte mansure tenebunt claves et ita expeditam ac honestam servabunt ut monachi nostri et conversi ad dictam villam venientes, in dicta parte mansure descendere poterunt et honeste morari ibidem. In cujus rei testimonium predictis J. et M. presentes dedimus litteras sigilli nostri munimine roboratas. Actum anno Domini M°CG° sexagesimo, in octavas Assumptionis Virginis gloriose.