Universis presentes litteras inspecturis Walterus sancti Andree juxta Brugis, Walterus sancti Bartholomei de Echout in Brugis, divina permissione abbates et gardianus fratrum minorum brugensium salutem in Domino sempiternam. Noverit universitas vestra quod nos litteras domini Nicolai pape quarti non abolitas, non cancellatas, non rasas, nec aliaqua sui parte viciatas, sed sanas et integras ac vera ipsius bulla in serico bullatas prout prima facie apparebat vidimus, tenuimus, legimus, et cum omni diligentia inspeximus formam que sequitur per omnia continentes. Nicolaus episcopus servus servorum Dei. Dilectis filiis .. abbati cistercii ejusque coabbatibus monasteriorum Gisterciensis ordiuis eorumque conventibus universis, salutem et apostolicam benedictionem. Beligionis vestra? meretur honestas ut quanto studiosius divine contemplationi vacatis, tanto quieti vestre providere benignius studeamus. Vcstris itaque supplicationibus inclinati auctoritate presen- tium inhibemus ut nullus audeat monachos, conversos et personas ordiuis vestri professos, fugitivos seu rebelles recipere, vel etiam retinere, sed liceat vobis ipsos absque alicujus requisitione propria auctoritate capere, ipsosque juxta vestri ordinis corrigere instituta, requi- rendo ad hoc, si opus fuerit, auxilium brachii secularium personarum, quas si ad hoc illud vobis facto vel verbo prestiterint moderatum excommunicationis sententie nolumus subjacere. Nulli ergo omnino hominum liceat hanc paginam nostre inhibitionis infringere, vel ei ausu temerario contraire. Siquis autem hoc attemptare presumpserit indignationem omnipotentis Dei et beatorum Petri et Pauli apostolorum ejus se noverit incursurum. Datum apud Urbemveterem V Id. Decembris pontificatus nostri anno tertio. Nos vero abbates et gardianus predictus in testimonium diligentis inspectionis per nos facte, presenti transcripto sigilla nostra duximus appendenda. Datum anno incarnationis Dominice millesimo trecentesimo tertio decimo, sabbato ante ramos palmarum.

513