Nous, Loys, cuens de Flandres et de Nevers, faisons savoir a tous que comme nos Baillius de Bruges avoit calcngiet le abbey et couvent de le Dous, en disant que il nos devroient quiter de la paes et soending, que li eschevin du Franc nous jugierent a payer pour la justice que nous fysimes faire de Josine, fil Hannin Heins, qui avoit ochis frère Niclais le Brune, convers de le Dous, eaus disant al encontre que a ce nescoient il mie tenus, ne prévus le avoient. Et nous qui sour ce sommes enformees, volons de grâce et pour certaine cause faire ce que raisons enseigne et annulleir le débat desus dit, avons les dis abbey et couvent quite et quitons la dite calaenge, eaus laissant et commandant a demores des ore mais en paes et en quitance de la dite calaenge de nos et de tous nos soubgies, qui nous porroient demander a eaus pour lodison des choses desus dites, en tamps présent et avenir. En tiesmoing de ce nos avons faites ces lettres selleir de nostre grand scel. Faites a Gand et données lan de grâce mil CGC vint et sept le xxij°" jour del mois de février.

Par monsigneur en son conseil,

J. UlLRG.