Universis presentes litteras inspecturis frater Salomon, dictus abbas de Dunis, eternam in Domino salutem. Universitati tam presentium quam futurorum notum esse volumus, quod dominus Gerulphus, miles de Kalvaketa, urgente intolerabili quadam necessitatc cum Lamberto filio domini Lamberti, cum Baldewitio de Rasewala, cum Pirkino , filio domine Yde, ad nos, cum curam pastoralem gereremus ecclesie de Thosan, accessit et presentibus etiam nonnullis aliis de parentibus rogavit nos quantum potuit, ut terram quandam , quam habuit, jacentem iuter abbatiam et Liswega, juxta mansionem supradicti Pirkini, emeremus. Quod cum illa hora distulissemus certa ex causa, iterum accesserunt ad nos prefati Lambertus, Baldewinus et Pirkinus et per se ipsos spontanee de mera voluntatc sua nos rogaverunt, absente ipso domino Gerulpho, ut ipsum dominum G. a tanta necessitate sublcvarcmus et terram quam nobis optulerat emeremus. Inde nos considerantes eorum voluntatem et ecclesie de Thosan utilitatem, terram prefatam libere et legitime emimus a prefato domino G. ea intentione ut ecclesia jamdicta eam in perpetuum quietissime possideret. Prefato vero Pirkino, vel alicui alii nichil promisimus, nec in aliquo nos vel posteros nostros ei obligavimus, quare prefata terra ab ecclesia sepius mcmorata in posterum debeat alienari. Ut igitur contractus iste ratus perseveret et stabilis et ecclesia de Thosan semper servetur indempnis, presentem paginam in testimouium rei geste scribi fecimus et sigilli nostri appensione roborari. Actum anno Domini M°GC0XX° nono.

342