CCLXI. — Page 89 v°. De ordinatione decitne apud Hem inter nos et canonicos sancte Walburgis. Notum sit omnibus tam presentibus quam futuris quod ego Gerardus, prepositus furnen- sis et Walterus decanus, totumque capitulum sancte Walburgis de Furnis, necnon et ego Petrus abbas totusque conventus sancte Marie de Dunis, communi consensu et consilio pro utriusque partis concordia et pace in posterum conservanda et lite, hactenus inter nos habita dirimenda alitcr quam prius exstiterat; decimam apud grangiam de Hem de cetero singulis annis ordinavimus, ita sane ut de omni terra que ab occidentale parte fossati comitis, quod ab aquilone versus austrum in Venepam usque ad sclusam, CG"5 LXXIX circiter, mensure interjacent, que ab oriente quadam fossa clauduntur, que terram hauc, et terram fratris Bernardi recto tramite a sclusa australi Venepe versus aquilonem separat, sub hac solutionis et debiti pensione in reliquiura deciinabuntur, quatinus de centum garbis, sex ecclesie furnensi singulis annis exsolvant. Quicquid vero a prefata fossa versus orientem de tota terra residuum fucrit, ab omni gravamine, molestia et decimationis exactione quiete et tranquilitate monachi de Dunis in perpetuuni possidebunt. Excepta modica terra que ab Themardi terra versus orientem in angulo quodam jacet super Ysaram et aqueductum terram grangie de llem et terram abbatisse de Brogbourgh devidentem, de qua plenam decimam, idest de centum, novem garbas canonici furnenses obtinebunt, hac conditione inter- posita, ut si quid ei accreverit in posterum vel decreverit secundum decrementum et augmentum decima respondebit. Similiter quicquid terre versus Venepam accrevit, quod monachi de Dunis in terram arabilem redegerint, dimidietate condonata ecclesie de Dunis, reliqua parte in usus suos cononici reservabunt. Illud etiam notificari posteris placuit quod supradicta hoc modo fuit concessa, ut si monachi de Dunis predictam terram vendiderint vel commutaverint, aut quomodo dimiserint, quicquid decime dimissum fuerit ad ecclesiam sancte Walburgis ex integro redibit. Ut igitur hujus conventionis pagina fixa stabilis apud nosteros maneat et inconvulsa testes sunt subscripti: Gerardus, prepositus furnensis; Walterus decanus, Jordanus cantor; Walterus Pluma et Symon, Canonici furnenses; Petrus abbas de Dunis, II. prior, Gillebertus et Christianus conversi, qui omnes pariter interfuerunt. Actum anno Dominice Incarnationis M° CC° quarto, mense Aprili, V10 Idus ejusdem.