objectarum nobis Dunensibus.

Nous Loys contes de Flandres, de Nevers et de Rethel, faisons savoir a tous que comme nous eussiens este mehu en courous et indignation contre les religieus, abbe et couvent del eglise des Dunes, pour ce que en pluseurs manieres par eauls et leur gens il avoient fait et attempte contre nostre nobleche, seignourie et heritaige sicomme par veritable infour- mation en fumes informe, assavoir est pour ce quil avoient plus avant use et extendu leur heritaige en nos pescheries dou mour es terroirs de Berghes et de Furnes, quil ne pooient ne devoient par raison; item quil avoient tenu pluseurs terres censives a nous et chargies de nostre rente quil avoient celees et nen avoient paye a nous ycelle rente ne cense, et aussi quil avoicnt acquis et achate desous nous pluseurs terres et heritaiges non admorties et sans nostre congje, et sur ce yceuls religieus nous aient treshumilement supplie que nous les volsissiens recevoir a grace, nous pour certaine cause, et a )a supplication dessusdicte, mehus en pitie especialment considerans que leglise dessusdicte a este tresnoblement fondee et gardee de nous et de nos predecesseurs contes de Flandres, avons as dis religieus et a leur eglise quitte, remis et pardonne, quittons, remettons et pardonnons par ces presentes lettres les calaignes dessusdictes et tout ce que en ycelles et en chascun point par lui, ils peuent avoir mespris ou abuse contre nostre nobleche, seignourie et heritaige dessus dis en quelconque maniere que ce soit, et prenons yceuls religieus, leur familliers et biens quelconques en nostre grace, amour et bienvoellance, et voulons les choses dessusdictes a eauls et a leur eglise estre bien et fermement tenues et gardees par nous, nos hoirs et

31

242

successeurs en la maniere dessusdicte sans enfraindre ne aler alencontre par nulle maniere. Par le tesmoing de ces lettres seelees de nostre grant seel, donnees a Bruges te diis- wytisme jour de Juing lan de grace mil trois cens cinquante et cuinq.

Autrefois accordee et seellee dou seel secre et signee par monseigneur, presens, mons. de Diquemue, mons. Franke de Hale, mons. de Poukes, Jehan de le Delft, receveur de Flandres et Jehan le Clerc. — G. Iambert. — Ainsi renouvellee deu commandement monseigneur, presens, mons. de Ghistielle, mons. de Poukes, mons. de Maldeghem, nous et messire Jehan de le Delft, receveur de Flandre. Fait a Bruges le darrain jour de Decembre lan chinquante et siept.

G. L.VMBERT,