LXV. — N" 263. Exemption de tonlieu accordie au monastere des Dunes. Frater Ar. dictus abbas et Ar. prior sancti Michaelis in Antwerpia et J. prepositus Bonnensis, omnibus ad quos presens pervenerit, salutem. Noverit universitas vestra quod privilegium a Willielmo Atrebatensi advocato, Bethunie et Theneremunde Domino et dilecta uxore sua Mathilde, Dunensi ecclesie concessum propriis oculis nostris inspeximus in hunc modum. Ego Willielmus Atrebatensis advocatus, Bethunie et Theneremunde Dominus et dilecta uxor mea Mathildis omnibus ad quos presens pervenerit, notum facimus quod nos divine charitatis intuitu pro salute nostrarum animarum et patrum et matrum et omnium nostrorum antecessorum, donavimus dilectis nostris monachis et fratribus ecclesie sancte Marie de Dunis, qui de ordine cisterciensi esse noscuntur, quod ipsi cum omnibus suis rebus propriis quas ad hujus proprios deferent, per totam terram nostram transeant immunes et quiti ab omni thelonio, passagio et pontagio et omni consuetudine quantum ad nos spectat. Ut autem hec donatio rata permaneat in futurum, presens scriptum sigillis nostris firmavimus. Actum anno Verbi incarnati millesimo ducentesimo tertio, mense Aprili. Ut igitur hujus privilegii conti- nentia omnibus tam presentibus quam futuris sit notoria sigillorum nostrorum appensionibus prepositam paginam dignum duximus roborare. Actum anno Domini M°. GC", XXXVII*, mense Junio.