Willem, oudste sone sgraven van Namen, heere van Bethune, gouverneur van den graef- sceipe ende lande van Vlaenderen, van den steden van Machline ende Andwerpen, van myns geduchtens heercns weghe shertoghen van Bourgondien ende grave van Vlaenderen, doen te weten allen licden, dat als van den gescille ghehandelt in daudiencyen tusschen den abt ende couvente van den Duncn of eene zyde, ende den habitanten van hachte Pro- chien in Veurnambacht dals te verstane van Adenkerke, sente Woubourghen, Bewesterpoort, Steenkerke, Wulpen, Boydekinshouc, Hoostduunkerke, Bamscapele ende Provise of andre syde; daer die van den Dunen toochden hoe dat zy mynen gheduchten heere van Vlaen- deren, daer God de ziele af hebben moete, ghedient hadden met waghenen ende met perden int laetste verleden orloghe, ende hoe dat hy bevolen hadde allen sinen ondersaten dat zy den Clooster voerseid paisivel laten zouden van waghenen ende perden te neimene in den orloghe, also zy zegghen dat zyt gheenen leken schuldich zyn te doene by rechte naer haere privilegien, die zy hebben also wel van mynen vorseyden heere van sinen voor- dren, als van onsen heleghen vaderen den pausen, van den welken zy ooc haere goederen gheamortiseert hebben, ende ooc zyn in de sauvegharde ons gheduchts princhen, sgraven van Vlaenderen, ende in allen tyden in possessie geweist der of alst heere int land heift geweist segghende en claghende de voorseide religieusen dat daer bovcn ende in contrarye van dien, de voorseyde habitanten van den hachte prochien voorseyt hebbcn by faite ende met crachten ghehaelt ende ghehouden int orloghe, der abedyen perden, waghcnen, harnasch ende mesnieden te velen ende diversche dachvaerden. Daer eeneghe merrien verloren hebben ghesyn, die de religieusen moesten lossen ende eenegc verloren blevenen, ende dat zy dat daeden zonder nood, mits dat zy haere perde, waghenen, ende harnasch hilden ende hare selfs land wonnen daer de religieusen moesten laten te winnen der abdien land, ende dat zy van dien dachvaerden, merien, ende scaden niet betaeld mogheu weisen van den voor

7S9

seiden habitanten, heesschende van elken daghe, van elken waghene met vier perden, drie schelle groten ende met twee perden achtien groten sdaechs. Daer jeghen de vourseide prochien generalike verandwoorden dat niet hebbende ghedaen by crachten, no by forchen, inaer dat zy in possessien zyn, van langhen ouden tyden, wanneer tland orloghe heeft, perden ende waghenen met datter toebehoord thebbene van der abdien goeden, zonder faut ende ooc hoe dat het omme de bescermenesse van haeren goeden es, die zy groot ende vele hebben in de voorseide prochien, segghende ooc en verandwoordende dat si van ghenen verliese van merien, noch sulken scaden, daer si haers zelfs lieden ende goed ghelaten hebben niet schuldich zyn eeneghe restitucie dcr of te doene ende dat de amortesatie ende sauvegarde, die de religieusen mainteneren niet den sticke dienen jeighen de possessie van den achte prochien voerseyd , wederzegghende den heesch van den faicte mids dat de perden ende cnapen altoes hare costen hadden, ende dat de heesch dene helft te groot ware, metgaders ooc dat eenighe van der vorseyde prochien int speciale ende elc up haer zelven, verclaersen in haerlieden verandwoorden van den dachvaerden ende verliese van merien vorseyd met vele meer verhalens van ghearticulerde redenen ghetoocht ende hoverghegheven by den religieusen in hare replike, ende by den achten prochie in hare dupplique, vermetende elke partie zine redenen te sustineerne ende inwaerts te doene dar up informacy ghehoerd heift ghesin tusschen den vourseyden partien ende hoverbracht in daudientie, ghesien heesch ende andwoorde van partyen, dinformatie voorseyd, de privilegien by dien van den Dunen overghegheven, ende up al gemerkt dat by der eere pertie ende by der andre ghealle- gheert, ghetoocht ende overghegheven heift ghesyn in dit voorseyde ghedinghe. Wy, by ryper deli7 beracien ghehad met myns voorseids heeren raedsliecleu , wesende te deiser audiencie, hebben ghewyst ende wysen dat de habitanten van den achte prochien voerseyd, ghene cause hebben eenighe perden, waghenen, of arnach te nemene up die van den Dunen, noch up haere goeden, by weighen van eeneghe rechte daer toe hebbende; voord van den resti- tucien die de voorseyde religieusen heeschende zyn den habitanten van den voorseyde achte prochien van zekeren dachvaerden , van perden , waghenen, harnassche ende verliese, also hier vooren verclaerst es, zo wisen wy over een recht dat de achte prochien voorseyd dat zy sculdich te vergheldene ende te betaelne den voorseyden religieusen van den Dunen redenlike ende weselike dies wy behouden ende reserveren tons waerd de taxacic, omme der of in tyden ende wilen tordenerne alsoo behoren zal in oorcondscepen van dezer letteren. Ghe- gheven in daudiencien ten Damme onder onsen zeghel, den 26 dach van sporkelle, int jaer ons Heeren dusentich dryehondert zevene ende tachtentich.

Bi mynheer den gouverneur in daudiencien present van den rade de heeren van den Gruthuse, de heer van Gomene, de deken van sinte Donas te Brugge, de heer van de Capelle, souverrain bailliu, mynheer Pieter van den Sipe, end andere.

Lefevre.

760