Florentius comes Hollandie, dilecto ac fideli suo Willelmo de Streva, salutem in Domino sempiternam. Cum pie memorie predeoessores nostri ecclesie beate Marie de Thosan in reme- dium animarum suarum, fundum, qui sanctus mons dicitur, et totam terram ac solitudinem, ac moer ad ipsum montem spectantcm cum omni dominio, offitio, decimatione, piscaria, ac omni jure, quod in ipso habuerunt, vel habere potuerunt, in puram elimosinam, perpetuo contu- lerint libere possidendum, quod per instrumenta ac privilegia predecessorum veslrorum pariter et nostrorum supra hiis confecta ac dicte ecclesie in robur prefate donationis collata, manifesta et oculata fide conspeximus et inspeximus, et vos prefatam ecclesiam perpetua possessione gaudere non permittitis sed repellitis minus juste, dilectionem ac discretionem vestram presentibus duximus commonendas, quatinus dum pro oculis cordis habentes et predecessorum virorum bone voluntatis consensum prohibentes, ab inordinato ac minus justo proposito vestro desistatis, et non solum predictorum ecclesiam propria possessione gaudere libere permittatis, sed ut etiam sua recuperet ab injuste possidentibus, fideliter assistatis. Tantum inde facientes ut dominus nobis in eternum retribuat et dicta ecclesia partes nostros sibi sentiat profuisse. Datum anno Domini millesimo ducentesimo septuagesimo sexto. In crastino beate Marie Magdelene.

De Sancto Monte. (Sig.)