Ego Stephanus, Dei gratia Eduensis episcopus, tam futuris quam presentibus, notum fieri volo quod Savericus, Andreas et Herveus, |2| filii Odonis de Fontanis , laudante matre sua Alwiz et sororibus suis Alwiz, Tecelina et Gertrude, laudaverunt in presentia |3| mea donum quod pater suus ad conversionem veniens Fontenetensi ecclesie fecerat. Donum autem ipsum hujusmodi est : ut Fon-|4|-tenentenses quotiens sibi placuerit per totum finem Fontanarum, omni tempore, in plano et in bosco et in aquis, absque |5| damno messium et pratorum, pecora sua libere pastum mittant et de boschis ejusdem ville tollant que pecoribus vel pa-|6|-storibus suis ibidem morantibus necessaria fuerint, ad bordam scilicet, ad focum, ad umbracula et ad ceteros idoneos usus, ita |7| sane ut si pecora Fontenetensium in prato vel messe damnum aliquod intulerint absque alia lege damnum solummodo reddent. |8| Hoc donum patris sui jampridem laudaverant predicti fratres. Postea vero idem donum tam ipsi quam mater eorum atque sorores |9| prenominate ex parte sua fecerunt 1, adicientes insuper et donantes prefate ecclesie monachis pastionem ad porcos |10| suos per nemora sua. Concesserunt etiam quod nullos homines alterius religionis in ipsas pasturas vel usuaria |11| mittent, nisi tantum habitatores Fontanarum, necnon ad opus animalium monachorum per terram suam et per mediam |12| riveriam, unam carreriam trium tesiarum. Dimiserunt quoque prefate ecclesie totam calumniam quam habebant in |13| territorio Verdennaci, nichil inibi retinentes infra metas versus Verdennacum, que communi assensu, ipsorum scilicet et mo-|14|-nachorum posite sunt, nisi pasturas animalibus hominum suorum et pastionem porcis eorum. Et si damnum |15| fecerint monachis animalia Fontanarum, sine alia lege damnum restituent. Hec etiam laudaverunt homines |16| ipsius ville qui dicebant se habere usagium in predicto Verdennaci territorio, et omnem calumniam quam ha-|17|-bebant ibi pro animabus suis ecclesie Fontenetensi guerpierunt, nichil penitus excipientes, nisi quod in orationibus et beneficiis |18| ecclesie Fonteneti recipientur, quorum sunt nomina Christianus de Monte Canino , Hugo et Odo, Brictius et Wido, |19| filius ejus, Petrus major filius Theobaldi de Cumba , Henricus etiam et fratres ejus, Petrinus et Willelmus, et Beris eorum avunculus, |20| et Hugo Albus . Horum testes sunt Willelmus de Orgeol , Audo vicecomes Duismi , Haimo de Aise , Hugo de Asenvilla . |21| Hec ita laudavit Pontius Chenlarz et Willelma uxor ejus ; unde sunt testes Lambertus de Corfergen et Bernardus frater ejus, |22| Girardus Pilosus et Guiardus filius ejus. Hec omnia laudavit Elisabeth, filia Saverici . Unde sunt testes |23| Letardus presbiter, Wido de Frollesio monachus, Walterius prepositus, Airardus, Reinaldus, Engirbertus magister Carbonerum . |24| Ego igitur hec omnia sigilli mei munimine signans, ne quis ulterius de his ecclesia Fonteneti vexare aut perturbare presumat episcopali anatematizans virtute perhibeo.