Ego Stephanus, Dei gratia Eduensis episcopus, notum fieri volo presentibus et futuris quod Osmundus et Odo et Valdricus filii Bartholomei de Marmania , laudantibus matre sua Helysabeth et sororibus suis Petronilla et Adelina, pacem fecerunt cum monachis Fonteneti de omnibus querelis quas tam ipsi quam pater eorum habuerant adversus eosdem monachos hoc modo. Guirpiverunt omnem calumpniam quam eisdem monachis de decimis suis faciebant ita ut nunquam amplius ab eis in territorio Fanii decimas exigant. Laudaverunt quoque monachis ortum suum subtus abbatiam et pratum sub chimino Fanii ubi Miles jacet et lescheriam desuper Fanium et salceium quod habebant supra eamdem lescheriam et omnes vineas quas monachi tenebant in territorio Fanii, vineam scilicet Rainaldi Embrasati , vineam Warnerii Vitecoth , vineam Odonis Brandun et terram juxta eamdem vineam, quicquid scilicet ibi in dominio habebant et partem Odonis Brandun quando eam conquirere poterunt et terram Warnerii Vitecoth quam habebat ad censum pro duobus nummis in costa Morville. Quod autem de his omnibus predicte ecclesie semper fideles existerent et quod adversus omnes qui de his calumpniam moverent eis semper legitimam garentiam portarent super veram crucem Domini ante altare Fonteneti juraverunt. Stephanum quoque cognatum suum de his omnibus responsorem dederunt. Pro his autem omnibus ccc os solidos de intragio dederunt eis monachi et semper annuatim dabunt eis xx solidos census in martio et matri eorum unum sextarium frumenti et unum trimensis tantum in vita sua. Unde testes sunt Hugo archipresbiter Puilleniaci , Odo archipresbiter Tullionis , Humbertus capellanus de Raveriis , Iterius Buro et Villelmus dominus de Raveriis "Iterius… Raverius" écrit en marge, Bernardus Brabentio et Oliverius filius Brutini , Robertus filius majoris de Tullione et Johannes frater ejus, Durannus major Fanii et Hugonez poslerius de Marmania .

De laude matris eorum atque sororum testes sunt Odo archipresbiter et Humbertus capellanus de Raveriis , Willermus dominus de Raveriis et Stephanus gener ejus, Osmundus de Plaaneto et Rainaldus major Tulionis cum Johanne filio suo.

Hec igitur omnia se fecisse, dedisse et laudasse coram me recognoverunt et ut sigillo meo confirmarem postulaverunt. Proinde ut ista in posterum stabili firmitate serventur cartam presentem sigilli mei munimine firmo et omnes qui de hiis ecclesiam Fonteneti in aliquo vexare aut dampnum aliquod inferre aussi fuerint donec resipiscant anathemate dampno.