Ego Henricus, Dei gratia Eduensis episcopus, tam futuris quam presentibus notum facio quod Petrus Huldrei concessit Deo et ecclesie Fonteneti quod ab eis decimam non exigeret in toto territorio Laigniaci, quocumque modo terras ejusdem territorii monachi excolerent. Hoc autem laudavit Constantius gener ejusdem Petri et affidavit uterque Petrus videlicet et Constantius in manu Willermi Buri id se per omnia ratum habituros et fideliter servaturos. Testes sunt inde Wido monachus de Grinione , memoratus Willermus Burus , Ulduinus de Parrece , Aalardus avunculus ipsius Constantii , Laurentius molendinarius de Flaviniaco , Audelinus Vaca , Johannes de Poleigniaco decanus, Girardus Nocherius , Milo major de Buxi , Engelbertus de Saigniaco . Designata postmodum die apud Grinionem sacramento idipsum iterato firmaverunt Petrus cum filio suo Willermo atque Constantius et laudare fecerunt uxores suas et filios. Hujus rei gratia habuit idem Petrus de beneficio ecclesie solidos c. Insuper et concessit illi abbas Arnaudus locum in monasterio quando ipse vellet et sibi et filio suo pro monacho. Actum publice apud Grinionem anno ab incarnatione Domini m° c° lx° ii° coram subtus annotatis testibus, Wido monachus, Walgerius sacerdos, Wido filius Oliverii et Oliverus frater ejus, Hugo de Turre , Jocelinus de Gurgi , Wiardus Brutini , Wido Marini , Petrus major de Benoisi , Petrus Panceta , Hugo filius Calonis , Andreas Cassardus .