Ego Henricus, Dei gratia Eduensis episcopus, tam futuris quam presentibus notum facio quod Hodierna uxor Humbaudi de Rubeo Monte dedit in elemosinam Fontenetensium ecclesie in manu Arnaudi abbatis pro anima sua et mariti sui quicquid habebat in piscatura de Curcellis que de capite suo erat, laudante Renardo domino Rubei Montis , de cujus feodo erat. Quod quidem Osmundus filius predicte Hodierne contradicere voluit, sed certum est quod legitimam elemosinam facere poterat mater ejus de terra que de capite suo erat et sine assensu ipsius. Testes sunt Willermus de Sauz et Hermengardis uxor ejus, Saissa uxor Gisleberti de Grisini "etc." , Lambertus prepositus de Saigniaco . Oliverus quoque de Frollesio simile donum fecit de sua parte ejusdem piscature quando se reddidit Fonteneti ecclesie. Inde sunt testes Sibilla uxor ejus, Wido filius ejus, Willermus de Scharleiis , Hugo de Curte Rabodi monachi Fonteneti. Ut ergo integrum in eadem piscatura usuarium Fonteneti ecclesia habeat sigilli nostri impressione firmamus sub anathemate interdicentes ne quis futuris temporibus de donis istis ecclesie inquietet.