Ego Stephanus Dei gratia Eduensis episcopus, scire volo presentes et futuros que facta sit pax inter Fontenetenses et Henricum atque Johannem fratres cujusdam defuncti in grangia de Estormer . Fontenetenses pro pace habenda dederunt predictis fratribus l solidos. Ipsi vero jurejurando firmaverunt quod nunquam dampnum seu gravamen ecclesie Fonteneti inferrent neque ab aliis inferri consentirent et si ab alio machinari malum aliquod prefate ecclesie scire possent si illud disturbare non valerent Fontenetensibus nutiarent. Hec ita se jurasse coram me recognoverunt et quod predicte ecclesie semper amici existerent. Unde mecum testes sunt Bernardus Fonteneti abbas, Phylippus et Hugo Fonteneti monachi, Hermuinus capellanus Darcei , Garnerius presbiter Fani , Johannes filius Gaufridi .