C. In nomine sanctae et indiuiduae trinitatis. Chuonradus diuina fauente clementia Romanorum imperator augustus. Si loca uenerabilia diuino cultui mancipata ob memoriam diuine remunerationis munere nostrae consolationis benignius adaugendo ditare decreuerimus, hoc non solum nobis ad regni nostri commodum, uerum et ad animae nostrae remedium salubriter prouenire credimus. Quapropter omnium Christi nostrorum fideliam presentium scilicet et futurorum uniuersitati notum esse uolumus, qualiter nos summe divinitatis intuitu per interuentum amantissime coniugis nostrae Gislae imperatricis augustae nostrique dilecti filii Heinrici regis cara petitione, nec non ob assiduum fideleque seruitium Egilberti Frisingensis aecclesie uenerabilis episcopi, qui pre ceteris multiplicato genere seruitutis pro uiribus (gratanter deseruiuit) suumque seruitium in hoc multipliciter adauxit, quod eundem unicum nostrum filium per nos sue fidei commendatum plena fide vice nostra fouit, amplectitur, amauit et per omnia fideliter educauit, tradidimus ad altare semper virginis Marie sanctique Corbiniani nobilissimi Christi confessoris in civitate Frisinga corpore quiescentis, curtem Alarun sitam in marchia et in comitatu Adalberti marchionis cum omnibus ad eundem locum iure ac legaliter pertinentibus cum mancipiis utriusque sexus, cum areis, aedificiis, agris, vineis, campis, terris cultis et incultis, pratis, pascuis, siluis, uenationibus, aquis aquarumue decursiubs, piscationibus, molis, molendinis, viis et inviis, exitibus et reditibus, que˛sitis et inquirendis seu cum omni utilitate que uel scribi aut nominari ullo modo potest, eandemque curtem de nostro ivre ac dominio ea ratione in ius atque dominium prefatae Frisingensis aecclesiae omnino transfudimus et in perpetuam proprietatem donauimus, ut idem uenerabilis antistes Egilbertus et successores sui absque uiolentia ullius nostri successoris siue regis sive imperatoris liberam posthac licentiam hanc habeant potenter possidendi, commutandi vel quicquid inde sibi saluo iure aecclesiae placuerit faciendi. Et ut haec imperialis nostrae traditionis integritas stabilis et inconuulsa per futura annorum curricula perseueret, hoc auctoritatis nostrae praeceptum inde conscriptum sigilli nostri impressione insigniri ivssimus et ambo nos ego idemque filius meus dilectus rex videlicet Heinricus, ego ipso humiliter interueniente, ille me consentiente atque iubente uterque in sui nominis signo manu propria subtus corroboravimus.||
Signum domni Chuonradi inuictissimi (M.) Romanorum imperatoris augusti. Signum domni Heinrici (M.) tertii regis gloriosissimi.||
Burchardus cancellarius uice Bartonis archicapellani recognoui.||
Data XIIII. kal. Augusti, indictione I., anno dominice incarnationis millesimo XXXIII., anno vero domni Chuonradi secundi regnantis VIII., imperii autem VII., anno etiam domni Heinrici regis tertii VI. Actum Imileb feliciter amen.

Source Fulltext: ZAHN, Codex Diplomaticus (=FRA II/31, Wien 1870) S. 73-74