Nos Vlricus dei gracia dux Karinthie, dominus Carniole notum facimus vniuersis tam presentibus quam futuris, quod domino et am(ico) nostro venerabili patri Chvnrado episcopo Frisingensi nostram voluntatem pres(ti)timus et consensum, vt castrum siue municionem circa villam Zlap vel in alio loco quem in Marchia super predio ecclesie Frisingensis duxerit eligendum, erigat absque obstaculo cuiuslibet impedimenti, et ipse episcopus promisit nobis versa vice, quod si quid dampnum uel grauamen de mandato (suo) vel consensu in posterum de eodem castro nobis uel nostris per suos cas(tellanos) fuerit irrogatum, satisfactionem et emendacionem plenariam super (huiusmodi) dampnis et grauaminibus dum in terra constitutus fuerit, nobis sine (dilacione) qualibet faciet siue nostris, quam inquam satisfactionem, si post ad(uentum) uel reditum suum ad terram sex septima(na)rum spaciis post (motam) sibi super hoc querimoniam uobis uel nostris exhibere non curauerit et presta(uerit), nos predictam villam Zlap ex tunc possidebimus titulo fevdali et (nomine) aduocacie in Marchia per totum predium ecclesie Frisingensis. Si vero dictum (castrum) per suos vel alienos fraudulenter traditum fuerit inimicis vel ali(is per quorum) vim fuerit expugnatum, et ex hoc forte nobis vel nostris dampnum (fuerit ir)rogatum, id dicto episcopo uel suis successoribus non debet aliquatenus (esse conputatum), nec ex hoc nobis in memorata villa Zlap et predio ecclesie (Frisingensis) aliquid acquisitum, nisi hoc per legitimum testimonium probare (possimus, quod ad) hoc domini episcopi consensus et voluntas pariter accessisset. Sui (homines autem) et castellani prefatum castrum inhabitantes non obstante (aliqua?) causa possunt ipsum dominum episcopum et se metipsos ab omnibus iniu(riis et u)iolenciis de prefato castro secundum iusticiam defendere licite (et tu)eri. In huius itaque rei testimonium presentem paginam preli(ba)to domino episcopo tradidimus nostri sigilli munimine roboratam. Datum (La)ibaci, anno domini M. CC. LXV., X. kalend. Julii.

Source Fulltext: ZAHN, Codex Diplomaticus (=FRA II/31, Wien 1870) S. 261-262