Nos Vlricus dei gracia dux Karinthie, dominus Carniole et Marchie tenore presencium notum facimus tam presentibus quam futuris, quod ad instanciam et peticionem dilecti et fidelis ministerialis nostri Nycolay de Revtenberch duos ex liberis suis videlicet Dymodim et Chv°nradum dare et legare curauimus ac etiam libere donauimus ecclesie Frisingensi, attendentes quod dictus Nycolaws et non solum ipsius liberi, verum etiam alii eiusdem pueri ex hac donacione nostra facta Frisingensi ecclesie per ipsam Frisingensem ecclesiam tum ad presens, tum etiam in futurum consequi poterunt promociones varias et honores. Cuius deuocionis et fidelitatis obsequia nobis per ipsum multipliciter exhibita nos inclinant ad quelibet que ipsius predicti Nycolay et puerorum suorum promocionem respicere dinoscuntur. Et ne predicte donacionis nostre quisquam de successoribus nostris posset in posterum in preiudicium gloriose virginis proteruus existere violator, presentes nostri pendentis sigilli munimine roboratas predicte Frisingensi ecclesie et testimonium et cautelam et in robur perpetue firmitatis duximus erogandas. Huius quoque donacionis nostre testes sunt qui presentes aderant, nobilis vir Vlricus comes de Sterenberch, Vlricus comes de Hewnenburch, Fridericus de Petaw, Albertus dictus Zeysel, Wilhalmus de Chreich, Heinricus dictus Zeysel, Albertus prepositus sancti Virgilii vicedominus noster per Karinthiam, Heinricus plebanus sancti Viti, Ortolfus plebanus in Pulst, Durenhardus plebanus in Traberch, Lambertus plebanus in Landestrost capellani curie nostre, Jacobus de Guotenberch, Wilhalmus de Minchendorf, Gebhardus de Lilienberch, Waltherus Vngarus, Chonradus de Lok, Griffo de Revtenbereh, Reimbertus et Leonhardus fratres de Guotenberch, Chvnradus Dvnno et Volkerus de Grez notarii nostri et alii. Actum et datum in Chrainburch anno domini M. CC. LX. VI., XI. kalendas Sebtembris (!).

Source Fulltext: ZAHN, Codex Diplomaticus (=FRA II/31, Wien 1870) S. 278-279