Quid scripturarum confirmat auctoritas, non potest veritatis inimica obliuio nec improborum improbitas infirmare. Proinde notum sit omnibus tam presentibus quam futuris, quod cum olim questio seu discordia inter venerabiles patres Ch. quondam Frisingensem et Brunonem Brixinensem episcopos super iure patronatus ecclesiarum sitarum in districtu Inticinensi in fundo et patrimonio Frisingensis ecclesie Brixinensis dyocesis esset per arbitrium sic sopita, quod dominus B. et capitulum Brixinense recognouerunt Frisingensem episcopum esse verum patronum ecclesiarum iam dictarum et ad presentacioiiem pro tempore Frisingensis episcopi personas fore per Brixinensem episcopum instituendas ecclesiis in eisdem prout in instrumento signato sigillis eorundem patris et domini B. episcopi et capituli Brixinensis liquido est expressum, et procedente tempore mortuo premisso domino C. Frisingensi episcopo et venerabili patre domino C. qui nunc super est in eadem ecclesia, substituto, vacantibus in Inticena (et) Silian ecclesiis et cappella Valgrat sitis in fundo ecclesie Frisingensis, ipse venerabilis pater et dominus B. Brixinensis forte inmemor arbitrii premissi credensque ordinacionem iam dictarum ecclesiarum et capelle ad se pleno iure spectare, personas presentatas a domino C. venerabili episcopo Frisingensi ad ipsas ecclesias et capellam admittere recusauit, ordinando ipsas de personis pro sue libito voluntatis, cumque inter memoratos venerabiles patres et dominos C. Frisingensem et B. Brixinensem episcopos super iure patronatus dictarum ecclesiarum ac aliarum sitarum in fundo Frisingensis ecclesie Brixinensis dyocesis foret discordia suborta sev etiam renouata, ipsis dominis episcopis personaliter venientibus Wiennam ad sollempne concilium celebratum a venerabili patre et domino Gwidone tituli sancti Laurencii in Lucina presbitero kardinali apostolice sedis legato huiusmodi questio venerabili patre et domino Petro Patauiensi episcopo, interponente amicabiliter partes suas taliter est decisa, quod idem dominus B. Brixinensis episcopus exhibitis sibi litteris signatis suo et capituli sui sigillis continentibus seriem arbitrii supradicti recolens factum proprium, de piano et precise recognouit dictum episcopum dominum C. Frisingensem patronum ecclesiarum sitarum in fundo Frisingensis ecclesie sue dyocesis, reuocans et corrigens prouide quod de ipsis ecclesiis contra primum arbitrium inprouide attemptauit, et ad presentacionem eiusdem domini C. Frisingensis episcopi Marquardum Inticinensem canonicum sacerdotem in ipsa parrochiali eeclesia apud Inticenam et Wilhelmum Inticinensem canonicum in ecclesia Sylian et (leer) filium de sancto Michahele clericum in cappella Valgrat ad presentacionem Friderici Inticinensis prepositi canonice instituit, promittens firmiter quod contra predictum arbitrium editum super iure patronatus dictarum ecclesiarum de cetero non veniret. Et ut omnia premissa debitum robur obtineant firmitatis, placuit memoratis partibus dominis videlicet et patribus Frisingensi et Brixinensi episcopis presens scriptum ipsius venerabilis patris et domini B. Brixinensis episcopi et venerabilis patris et domini Petri Patauensis episcopi amicabilis compositoris in causa premissa, nec non Meingoti et Hartmanni prepositorum ac Wernhardi et Chunradi decanorum eorundem Patauiensis et Brixinensis ecclesiarum et prepositi Nouecelle archidiaconi premissarum ecclesiarum sigillorum munimine roborari. Datum et actum Wienne, quinto idus Maii, anno domini M. CC. LXVII.

Source Fulltext: ZAHN, Codex Diplomaticus (=FRA II/31, Wien 1870) S. 290-292