Nos Chvnradus dei gracia Frisingensis episcopus notum esse volumus presencium inspectoribus vniuersis, quod cum Rudgerus miles officialis noster in Intica quasdam possessiones nostras in officio suo pro quadringentis et septuaginta libris Veronensium paruulorum obligatas sibi a nobis nomine pignoris ad suos vsus diucius tenuisset, idem zelo motus iusticie ex consilio deliberato quasdam ex ipsis possessionibus dimisit libere nostris vsibus absolutas, videlicet duas hvobas in Ratesperch soluentes in prouentibus annuis vigintiquatuor libras Veronensium paruulorum, vnam hubam in Viersach decem libras Veronensium paruulorum et tredecim sho^et soluentem annuatim, necnon dimidiam hubam que dicitur des Zandes hub soluentem sex sho^et et dimidium et quinque libras Veronensium paruulorum, item vnum molendinum in Niderndorf et quoddam predictum in Meilstat, que soluunt vi libras Veronensium paruulorum annuatim, item vnum quartale apud Niderndorf quod eidem pro quindecim libris paruulorum Veronensium fuerat specialiter obligatum, alias autem possessiones subscriptas quas cum premissis possessionibus tenuerat nomine pignoris obligatas, que tamen in prouentibus annuis quinquaginta libras Veronensium paruulorum non excedunt, tamdiu de nostra licencia vna cum heredibus suis pro suis vsibus possidebit, donec summa quadringentarum et septuaginta librarum Veronensium paruulorum per prouentus earundem possessionum in totum de anno in annum fuerit euacuata, ita quod singulis annis de prefato debito quinquaginta libras Veronensium paruulorum tenebitur defalcare. Quo debito quadringentarum et septuaginta librarum in totum vt pretactum est, euacuato, eedem possessiones ad ecclesiam nostram libere reuertentur. Svnt autem hec possessiones quas tenebit pro debito prenotato, due svai(ge apu)t Inticam valentes in caseis triginta libras Ver(onensium) paruul(orum annuatim et) molendinum ibidem (quod soluit sex porcos maiores et duos minores) valentes (quinque libras et dimidiam Veronensium paruulorum) et molendinum in Virsach (quod soluit tres libras et dimidiam Veronensium quouis anno et ad) hec quinque porcos maiores et quatuor minores in Hof et aput molendina in Grats valentes nouem libras et dimidiam Veronensium, quos porcos eidem de nouo ad complementum quinquaginta librarum Veronensium duximus obligandos. Preterea nos ad peticionem et instanciam prefati R. hanc sibi concessimus graciam specialem, vt minores decimas aput Inticam teneat et possideat pro suis vsibus de nostra licencia tempore rite sue, ita tamen quod per huiusmodi nostram concessionem nec pauperibus, nec capitulo Iticensis ecelesie, nec granario nostro, nec in hiis que ad coquinam nostram consueuerunt ministrari, aliquot debeat preiudicium generari. Acta sunt hec anno domini M. CC. LXXIII., ydus Nouembris aput Lok. In cuius rei testimonium presentem cedulam nostri et prefati Rudgeri sigillorum voluimus munimine roborari.

Source Fulltext: ZAHN, Codex Diplomaticus (=FRA II/31, Wien 1870) S. 321-322