Nos Fridericus dei gracia Frisingensis episcopus constare volumus presencium inspectoribus vniuersis, quod cum bone memorie dominus Chvnradus predecessor noster vniversa feoda que Frizzo de Plintenpach quondam tenuit ab ecclesia Frisingensi, Diemud vxori predicti Frizzonis vnacum ipso F. in feodo contulisset, nos postmodum eidem Diemudi ad secundas nupcias cum Dietrico de Schonnenberch milite diuertenti ad instanciam et peticionem ipsius Dietrici necnon Nycolay de Reutenberch patris ipsius Diemůdis, militum fidelium nostrorum eadem feoda iterato duximus conferenda, hoc adiecto de gracia speciali, vt liberi masculini sexus quos dicta Diemudis que de familia esse dicitur ecclesie Frisingensis, ex prefato Dietrico milite nunc habet uel procreauerit in futurum, succedere possint et debeant ipsi Diemudi matri sue in predictis feodis pleno iure dummodo illi matrimonia contraxerint in nostre ecclesie potestatem vel saltim in contractu matrimonii sui procurauerint apponi (condicionem si)ue pactum de (p)ueris diuidendis (c)um ecclesia (Fri)singensi. (In cuius rei testimo)nium pre(sentem cedulam sibi dari eamque nostri nec non et Dietrici et Nycolai) iussimus (sigillorum munimine roborari. Actum) aput Lok, presentibus testibus (subnotatis, videlicet magistro) Hermanno preposito Ardacensi, O. de Schonnek preposito Inticinensi, Wilhalmo plebano sancti Martini, O. de Waldeke, Dietmaro de Leiten, C. de Lok militibus, Hugone de Montalban, Arnoldo (de?) Schonneke, Gvnthero marscalco de Otenburch, Leonhardo de Gvtenberch, Arnoldo de Preitenawe, Rudlibo de Chreuz (—nz?) et aliis fide dignis. Datum anno domini M. CC. LXX., septimo kalendas Augusti.

Source Fulltext: ZAHN, Codex Diplomaticus (=FRA II/31, Wien 1870) S. 391-392