Charter: Freising, Bistum und Hochstift (763-1364) 1285 I 22
Signature: 1285 I 22
Add bookmark
Edit charter (old editor)
22. Januar 1285, Gutenwörth
Wilhelm von Schärfenberg verpfändet für den Schaden, welchen er den freising. Unterthanen zu Gutenwörth zugefügt, dem Bisthume Freising 8 Huben zu Loke als Deckung des zugesagten Ersatzes von 21 Mk. Agleier.Source Regest: ZAHN, Codex Diplomaticus (=FRA II/31, Wien 1870) S. 423, Nr. 387
Cod. 191, f. 94
Ego Wilhelmus de Schaerfenberch notum facio presencium inspectoribus vniuersis, quod ad restauracionem bonorum per me hoc anno hominibus in Gvtenwerde ablatorum pro xxi marcis Aquilegensium denariorum pro quibus ecclesie Frisingensi in eadem solucione debitor remansi, obligo eidem ecclesie Frisingensi octo mansos sitos in villa Logon, tali condicione aposita et adiecta quod si easdem xxi marcas vsque ad Dominicam medie quadragesime qua cantatur Letare, proximo nunc venturam hominibus de Gvtenwerd non persoluerem, quod iam dicti octo mansi proprietatis titulo redeant ad prefatam ecclesiam Frisingensem, ita quod decetero nec ad me, nec ad heredes meos reuertantur. In cuius rei testimonium presentes litteras iam dicte ecclesie tradidi mei pendentis sigilli mvnimine roboratas. Actum et datum in Gvtenwerd, anno domini M. CC. LXXX. quinto, in die sancti Vincencii martiris, presentibus testibus subnotatis, videlicet Heinrico notario dicto Dinger, Vzoldo et Chvnrado dicto Pvntschuch de Gvtenwerde, Gozzlino et Schilto de Gvtenwerd et aliis fide dignis.
Source Fulltext: ZAHN, Codex Diplomaticus (=FRA II/31, Wien 1870) S. 423
Original dating clause: die sancti Vincencii martiris
Editions:
- Meichelbeck II./2, 120, Nr. 183.
Language:
Places
- Gutenwörth
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
