Emycho dei gratia Frisingensis ecclesie episcopus. Dilectis in Christo ad quos presens scriptum peruenerit, vniuersis salutem in omnium saluatore. Sacrosancte fidei cultores quoslibet ad pie caritatis et deuocionis opera cupientes quibusdam muneribus illectiuis, indulgenciis scilicet et remissionibus inuitare, de omnipotentis misericordia eiusque matris alme Virginis gloriose, beati Corbyniany sanctorumque omnium suffragiis non diffisi omnibus uere penitentibus et contritis qui ad ecclesiam beati Candidi in die transitus ipsius ac in die translacionis, nec non in festo dedicacionis deuote accesserint, annuatim XLta dies criminalium de iniuncta eis peniteneia in domino misericorditer relaxamus, dyocesany uoluntate ad hoc fauorabiliter accedente. In cuius rei testimonium presens scriptum nostri sigilli munimine duximus roborandum. Datum Inticine, anno domini millesimo CC. LXXX. quinto, indictione XIII., XVII. Nouembris.

Source Fulltext: ZAHN, Codex Diplomaticus (=FRA II/31, Wien 1870) S. 430