Nos Heinrichus plebanus plebis in Judemburga iudex a sede apostolica delegatus constare cupimus vniuersis quod anno domini millesimo CCC. , feria quinta proxima post Bartholomei apostoli Alhardus procurator domini Hugonis comparuit legittime coram nobis, processurus in causa que uertitur inter reuerendum in Christo patrem et dominum . . . venerabilem episcopum Lauentinum super ecclesia sancti Petri ex una parte et ipsum dominum Hugonem predictum ex altera, prout status causae et negocii qualitas requirebat, sed quia honorabilis dominus C. abbas de Seitensteten ipsi termino interesse non poterat, prout se suis litteris excusauit, et discretus vir dominus prepositus Sekkouiensis cui prepositus sancti Virgilii in Frisaco uices suas commiserat, fuisset legittime recusatus et idem prepositus publice fuisset confessus, se nolle iurisdicione aliqua neque posse uti, nos propter absenciam coniudicum nostrorum non potuimus isto termino procedere soli et illum terminum propter hoc subductum quantum de iure possumus presentibus declaramus. Insuper idem Alhardus cum instancia postulauit ut coniudices nostros habere deberemus commonitos, ut in ipsa causa procederent una nobiscum, prout de iure foret procedendum. Insuper quoque Alhardus protestatus coram nobis quod .per eum non stetit nec stat, quominus in ipsa causa canonice procedatur. In cuius rei testimonium presentes eidem Al. tradidimus nostri sigilli munimine roboratas, testibus infrascriptis videlicet domino Nicolao vicario sancti Petri, domino Chu^onrado sacerdotibus, Hermanne officiali de Oberweltc, magistro Hertrico scolastico Judenburge, Liebhardo iudice dicti loci, Jacobo nepote suo et aliis fide dignis. Actum et datum anno predicto, feria vi. proxima subsequente.

Source Fulltext: ZAHN, Codex Diplomaticus (=FRA II/35, Wien 1871) S. 5-6