Charter: Freising, Bistum und Hochstift (763-1364) 1312 XI 09
Signature: 1312 XI 09
Add bookmark
Edit charter (old editor)
9. November 1312, Seitenstetten
Dechant Albert von Lorch beurkundet in dem Streite zwischen Abt Otto von Seitenstetten und Pfarrer Konrad von Gössling Zeugenaussagen aus Nachbarspfarreien über die Zuzählung des Zehentes von Hülsenfrüchten zu Gross- oder Kleinzehenten.Source Regest: ZAHN, Codex Diplomaticus (=FRA II/35, Wien 1871) S. 66, Nr. 490
Aus Vidimus B. Gottfried's von Freising ddo. 1312, 9. December, Waidhofen (Nr. 491)
Ego Albertus decanus Laureacensis notum facio vniuersis presentes litteras inspecturis, quod cum ex quadam composicione amicabili facta super minutis decimis inter venerabilem patrem dominum Ottonem abbatem in Sytansteten ab vna et discretum virum dominum Chunradum plebanum de Gestnich a parte altera fides coram me fieri deberet, vtrum decime fabarum, pisarum, lini, papaueris et ceterarum similium secundum consuetudinem quatuor parrochialium ecclesiarum, videlicet Amsteten, Aspach, Neunhouen et Alharsperg maioribus uel minoribus connumerentur decimis, sicut hec omnia in litteris felicis recordacionis quondam domini Emichonis Frisingensis episcopi ex hoc confectis plenius continentur, ego prefixo ad hoc ceteris loco et termino et vocatis partibus cum prefatus plebanus deesset nec aliquis excusaret eundem, recepi a parte domini abbatis predicti productos pro testibus quantum ad ecclesias Aspach, Neunhouen et Alhartsperg rectores earum et cum quolibet eorum fidedignum virum parrochianum eorum, quantum ad ecclesiam de Amsteten tunc vacantem duos fidedignos viros de plebe ipsa, per quorum deposiciones clare patuit in illis parrochiis de consuetudine earum decimis connumerari maioribus decimas fabarum, pisarum, lini, papaueris et generaliter omnium que per aratrum excoluntur, et de talibus percipi ab illis decimas quibus maiores decime exsoluuntur, et de hoc nichilominus multorum tam clericorum, quam laycorum tunc ibidem presencium erat publica vox et fama. Acta sunt hec apud Sytansteten, anno domini M. CCC. XII., Theodori martiris, presentibus dominis Johanne de Hag, Friderico de Aspach, Alexandra de Alhartesperg ecclesiarum plebanis, Hertwico vicario ecclesie de Neunhouen, Heinrico de Horawe et Ottone de Wasen militibus, Rugero de Zaucha, Alramo et Otachero fratribus, Marquardo de Luechsnich, Wolfkero de Wasen, Hermanno Gereverio, Sifrido Hesib, Ditrico de Gleuzze, Eklino de Winden, Ditrico magistro zeche de Waidhouen et Ditrico dicto Romer et aliis pluribus fidedignis. In quorum omnium testimonium pendenti sigillo meo presentes litteras communiui.
Source Fulltext: ZAHN, Codex Diplomaticus (=FRA II/35, Wien 1871) S. 66-67
Original dating clause: Theodori martiris
Editions:
- Font. rer. Austr. II/33, 154, in Nr. 142.
Language:
Places
- Seitenstetten
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
