Fridericus dei gracia Romanorum rex semper augustus. Vniuersis sacri Romani imperii fidelibus presentes litteras inspecturis graciam suam et omne bonum. Constitutus in nostre maiestatis presencia venerabilis Chunradus ecclesie Frisingensis episcopus princeps noster dilectus priuilegium quoddam nobis obtulit, petens cum instancia idipsum et articulos in eo contentos de benignitate regia confirmari. Cuius tenor de verbo ad verbum talis est:||
Folgt nun die Urkunde König Rudolfs ddo. 1277, 18. Mai, Wien (Nr. 332).Nos igitur clare recordacionis predicti aui et predecessoris nostri piis actibus innitentes ac deuota et fidelia obsequia memorati Chunradi episcopi nobis et imperio prestita fauorabiliter intuentes, predictum priuilegium cum omnibus in ipso contentis auctoritate regia innouamus, approbamus et presentis scripti patrocinio confirmamus. Nulli ergo omnino hominum liceat hanc nostre innouacionis, approbacionis sev confirmacionis paginam infringere uel eidem ausu temerario contraire, quod qui facere presumpserit, grauem nostram indignacionem se nouerit incurrisse. In cuius rei testimonium presentes litteras conscribi et sigillo nostre maiestatis iussimus communiri. Datum Wienne, V. idus Aprilis, anno domini millesimo trecentesimo sextodecimo, regni vero nostri anno secundo.

Source Fulltext: ZAHN, Codex Diplomaticus (=FRA II/35, Wien 1871) S. 81-82