Johannes episcopus seruus seruorum dei. Dilectis filiis . . . in Agmundia et . . . in Sitesteten Patauiensis diocesis inonasteriorum abbatibus ac magistro Johanni Pfefferhardi canonico Constantiensi capellano nostro salutem et apostolicam benedictionem. Sedis apostolice prouidentia circumspecta personarum qualitatem considerans, illas non inmerito munificentia sue liberalitatis attollit quibus ad id propria merita fidedignorum adiuta testimoniis conspicit laudabiliter suffragari. Cum itaque parrochialis ecclesia in Waidhouen Patauiensis diocesis per liberam resignationem dilecti filii Alberti de Enna Brixinensis (diocesis) tunc Frisingensis electi, olim ipsius ecclesie rectoris in manibus dilecti filii nostri Arnaldi sancti Eustachii diaconi cardinalis apud sedem predictam sponte factam et ab eodem cardinali de mandato nostro sibi super hoc facto oraculo uiue uocis admissam apud eandem sedem uacare tunc nosceretur nullusque de illa preter nos ea uice disponere potuerit, pro eo quod nos diu ante uacationem huiusmodi omnes parrochiales ecclesias ceteraque beneficia ecclesiastica tunc apud dictam sedem quocunque modo uacantia et imposterum uacatura collationi et dispositioni nostre specialiter reseruantes, decreuimus ex tunc irritum et inane si secus super hiis a quoquam quauis auctoritate scienter uel ignoranter contingeret attemptari, nos uolentes dilecto filio Alberto dicto Griessemberger rectori parrochialis ecclesie predicte, suorum meritoram obtentu super quibus apud nos fidedignorum testimonio commendatur, graciam facere specialem, predictam parrochialem ecclesiam sic uacantem cum omnibus iuribus et pertinentiis suis apostolica eidem Alberto auctoritate contulimus et de illa etiam prouidimus, decernentes prout erat, irritum et inane si secus super hiis a quoquam quauis auctoritate scienter uel ignoranter attemptatum forsan esset hactenus uel imposterum contingeret attemptari, non obstantibus si aliqui super prouisionibus sibi faciendis de parrochialibus ecclesiis uel aliis beneficiis ecclesiasticis in dicta diocesi speciales uel in illis partibus generales dicte sedis uel legatorum eius litteras impetrarint, etiam si per eas ad inhibitionem, reseruationem et decretum uel alias quomodolibet sit processum, quibus onmibus in assecutione dicte parrochialis ecclesie predictum Albertum uoluimus anteferri, sed nullum per hoc eis quo ad assecutionem aliorum (!) ecclesiarum et beneficiorum preiudicium generari seu si venerabili patri nostro . . . episcopo Patauiensi uel quibusuis aliis communiter uel diuisim ab eadem sit sede indultum, quod ad receptionem uel prouisionem alicuius minime teneantur et ad id compelli non possint, quodque de ecclesiis aut aliis beneficiis ecclesiasticis ad eorum collationem, prouisionem seu quamuis aliam dispositionem coniunctim uel separatim spectantibus nulli ualeat prouideri per litteras apostolicas non facientes plenam et expressam ac de uerbo ad uerbum de indulto huiusmodi mentionem et qualibet alia dicte sedis indulgentia generali uel speciali cuiuscunque tenoris existat, per quam nostris litteris non expressam uel totaliter non insertam effectus huiusmodi nostre gracie impediri ualeat quomodolibet uel differri, et de qua cuiusque toto tenore habenda sit in eisdem nostris litteris mentio specialis, seu quod prefatus Albertus in ecclesia Beronensi Constantiensis diocesis sub expectatione uacature prebende in canonicum est receptus et quod beneficium ecclesiasticum cum cura uel sine cura ad collationem uel presentationem dilectarum in Christo filiarum . . . abbatisse et capituli secularis ecclesie Segoniensis dicte Constantiensis diocesis communiter uel diuisim pertinens per earum certi tenoris litteras dictus Albertus se asserit expectare, quas litteras et omnem earum effectum prout sunt, irritas decreuimus et inanes et nullius deinceps penitus existere uoluimus roboris uel momenti. Quocirca discretioni uestre per apostolica scripta mandamus, quatenus uos uel duo aut unus uestrum per uos uel per alium seu alios eundem Albertum uel procuratorem suum eius nomine in corporalem possessionem dicte parrochialis ecclesie in Waidhouen, iurium et pertinentiarum eiusdem inducatis auctoritate nostra et defendatis inductum amoto ab ea quolibet detentore facientes sibi de ipsius ecclesie fructibus, redditibus, prouentibus, iuribus et obuentionibus uniuersis integre responderi, non obstantibus omnibus supradictis seu si prefato episcopo uel quibusuis aliis communiter uel diuisim ab eadem sit sede indultum quod interdici, suspendi uel excommunicari non possint per litteras apostolicas non facientes plenam et expressam ac de uerbo ad uerbum de indulto huiusmodi mentionem, contradictores auctoritate nostra appellatione postposita compescendo. Datum Auinionis, VI. idus Nouembris, pontificatus nostri anno nono.||
E. de Valle. A. Raynaldi.

Source Fulltext: ZAHN, Codex Diplomaticus (=FRA II/35, Wien 1871) S. 138-140