Reuerendo in Christo patri domino . . . dei gracia episcopo Patauiensi et omnibus aliis et singulis quorum interest uel intererit et quos infrascriptum negotium tangit uel tangere poterit quomodolibet infuturum, Johannes Pfefferhardi canonicus ecclesie Constantiensis domini pape capellanus, executor ad infrascripta una cum infrascriptis collegis nostris a sede apostolica deputatus salutem in domino et mandatis apostolicis firmiter obedire. Litteras sanctissimi patris et domini nostri domini Johannis diuina prouidentia pape xxii. presentatas nobis coram notario et testibus infrascriptis pro parte discreti viri Alberti dicti Griessemberger rectoris parrochialis ecclesie in Waidhouen Patauiensis diocesis, unam cum filis sericis et aliam cum filo canapis et ueris bullis plumbeis ipsius domini pape bullatas, non uitiatas, non cancellatas, sed omni uitio et suspictione (!) carentes nos recepisse noueritis quarum litterarum, illius uidelicet cum filis sericis tenor sic incipit:||
Folgt nun die Bulle ddo. 1324, 8. Nov., Avignon (Nr. 556), die Verleihung der Pfarre Waidhofen an Albert gen. Griessemberger betreffend. Item tenor alterius7 uidelicet cum filo canapis tenor sic incipit:||
Folgt nun ein Auszug des päpstlichen Auftrages ddo. 1324, 8. Nov., Avignon (Nr. 557), an die Aebte von Admont und Seitenstetten, betreffend die Einführung des oben bestellten Pfarrers.||
Quibus quidem litteris receptis, uisis et diligenter inspectis ipsas coram nobis legi fecimus per notarium memoratum et pro parte dicti Alberti fuit nobis humiliter supplicatum, ut ad executionem predicti mandati apostolici procedere deberemus iuxta traditam seu directam a sede apostolica nobis formam. Nos igitur Johannes executor prefatus, uolentes ad instantiam ipsius mandatum apostolicum supradictum nobis in hac parte directum reuerenter exequi ut tenemur, eundem Albertum in corporalem possessionem eiusdem parrochialis ecclesie in Waidhouen; in quantum et prout ex forma dictarum litterarum apostolicarum possumus, inducimus et discretum virum Nicolaum Alaniliene (?) eius nomine per nostrum birretum de dicta ecclesia presentialiter inuestimus ac eundem Albertum uel procuratorem suum predictum eius nomine in huiusmodi corporalem possessionem ipsius ecclesie iuriumque et pertinentiarum ipsius decernimus personaliter inducendum, amouentes et amoueri decernentes exinde quemlibet detentorem, monemus quoque tenore presentium pro primo, secundo et tercio peremptorie generaliter omnes et singulos supradictos et alios quorum interest uel intererit, cuiuscunque status, gradus, ordinis uel conditionis existant et quos presens negotium tangit aut tangere poterit quomodolibet infuturum, uobisque et uestrum cuilibet in uirtute sancte obedientie auctoritate qua fungimur, et sub excommunicationis pena districte precipiendo mandamus, quatinus infra sex dierum spatium a presentatione seu denunciatione presentium uobis facta immediate sequentes, quorum duos pro primo, duos pro secundo et reliquos duos uobis uniuersis et singulis pro tertio et peremptorio termino ac monicione canonica assignamus, eundem Albertum uel procuratorem suum eius nomine in rectorem predicte ecclesie in Waidhouen sibi per dictum dominum papam collate recipiatis et etiam admittatis ipsumque permittatis pacifica illius iurium et pertinentiarum eius possessione gaudere ac eidem Alberto uel dicto eius procuratori pro eo de ipsius ecclesie fructibus, redditibus, prouentibus; iuribus et obuentionibus uniuersis, prout ad uos et uestrum quemlibet communiter uel diuisim pertinet, integre respondere faciatis, nec eidem Alberto quominus predictam ecclesiam cum omnibus iuribus et pertinentiis suis integre ac pacifice assequatur et pacifice ualeat possidere, impedimentum aliquod prestetis per uos uel alium seu alios publice uel occulte, nec impedientibus ipsum Albertum super premissis in aliquo aut impedientibus ipsum dantes scienter auxilium, consilium uel fauorem, nisi infra predictum terminum a die scientie computandum a contradictione, rebellione, impedimento, turbatione, auxilio, consilio et fauore huiusmodi omnino destiteritis et mandatis nostris immo uerius apostolicis in hac parte cum effectu non parueritis, exnunc prout extunc in hiis scriptis singulariter in singulos canonica monitione premissa excommunicacionis sententiam promulgamus. Vobis uero domine episcope, quem ob reuerentiam uestre dignitatis nolumus prefatis nostris sententiis sic ligari si contra premissa uel aliquod premissorum feceritis publice uel ocoulte, exnunc prout extunc prefata monitione premissa ingressum ecclesie interdicimus in hiis scriptis, si uero predictum interdictum per alios sex dies prefatos sex immediate sequentes substinueritis in non reuocando quod contra premissa feceritis, vos eadem monicione premissa in hiis scriptis suspendimus a diuinis, verum si prefatas interdicti et suspensionis sententias per alios sex dies prefatos xii immediate sequentes substinueritis quod absit, animo indurato, eadem monitione premissa in hiis scriptis, quia crescente contumacia crescere debet et pena, vos exnunc prout extunc excommunicationis sententia in(n)odamus, absolucione omnium et singulorum qui suprascriptas et infrascriptas nostras sententias uel earum aliquam ineurrerint, quoquomodo nobis et superiori nostro tantummodo reseruata. Prefatas quoque litteras apostolicas et hunc nostrum processum uolumus penes eundem Albertum uel procuratorem suum remanere et non per uos uel uestrum aliquem aut quemuis alium extraneum contra ipsius Alberti uel eius procuratoris uoluntatem quomodolibet detineri, contrarium uero facientes prefatis sententiis per nos latis ipso facto prefata canonica monitione premissa uolumus subiacere. Mandamus tamen eidem Alberto et procuratori suo ut uobis, si petieritis, faciant uestris tamen sumptibus, copiam de premissis. Ceterum cum ad executionem huiusmodi ulterius faciendam non possimus quo ad presens inibi personaliter interesse, aliis in Romana curia negotiis prepediti, venerabilibus viris dominis . . . decano et . . . thesaurario Ardacensi ac ... plebano in Wienna diocesis Patauiensis ecclesiarum, quibus et eorum cuilibet insolidum super executione predicti mandati apostolici et nostri tenore presentium committimus uices nostras donec eas ad nos duxerimus reuocandas, eis et singulis eorum auctoritate qua fungimur in hac parte sub excommunicationis pena quam exnunc predicta monitione premissa in eos et eorum quemlibet ferimus in hiis scriptis, si ea que eis in hac parte committimus, neglexerint aut contempserint contumaciter adimplere, districte precipiendo mandantes, quatinus ipsi uel eorum alter qui a predicto Alberto uel eius pro curatore fuerit requisitus, ad dictam parrochialem ecclesiam in Waidhouen personaliter accedentes et predictas litteras apostolicas et hunc nostrum processum et omnia et singula in eis contenta ad illorum quorum interest uel intererit, in predicta ecclesia et alibi prout expediens fuerit, notitiam deducentes et eundem Albertum uel procuratorem suum eius nomine in corporalem possessionem eiusdem ecclesie ac vniuersorum iurium et pertinentiarum eius auctoritate nostra immo potius apostolica inducant et defendant inductum, amoto ab ea quolibet detentore quem nos exnunc etiam ammouemus et denunciamus amotum, sibique faciant uel eidem procuratori pro eo de ipsius ecclesie fructibus, redditibus, prouentibus, iuribus et obuentionibus uniuersis plene et integre responderi, et nichilominus omnia et singula nobis in hac parte commissa prout et quando expediens fuerit, plenarie exequatur, ita tamen quod in preiudicium dicti Alberti nichil ualeat attemptare, nec circa suprascriptas sententias per nos latas absoluendo uel suspendendo aliquid immutare, et si contingat nos in aliquo super premissis procedere, non intendimus propter hoc commissionem predictam in aliquo reuocare, nisi de reuocacione huiusmodi specialis et expressa mentio habeatur. Per processum autem huiusmodi nolumus, nec intendimus nostris preiudicare collegis quominus ipsi uel eorum alter, seruato tamen hoc nostro processu, possint in huiusmodi negotio procedere prout ipsis uel eorum alteri uisum fuerit expedire. In quorum omnium testimonium et predicti Alberti cautelam presens instrumentum publicum seu processum per notarium infrascriptum scribi et publicari mandauimus et nostri sigilli appensione muniri. Datum et actum Auinionis in hospicio habitationis nostre sub anno natiuitatis domini millesimo trecentesimo vicesimo quarto, indictione septima, die quartadecima mensis Decembris, pontificatus dicti domini Johannis pape xxii. anno nono, presentibus discretis viris Conrado rectore ecclesie sancti Johannis in Essigen et Werhnero (!) de Mittelhus clerico ac Conrado dicto Weggschic (? — it ?) Augustensis, Basiliensis et Constantiensis diocesum testibus ad premissa uocatis specialiter et rogatis.||
Et ego Petrus Nicolai de Fractis clericus Gaietanensis diocesis, publicus apostolica et imperiali auctoritate notarius presentationi predictarum litterarum apostolicarum et omnibus aliis et singulis supradictis, per prefatum dominum executorem factis, prolatis et habitis una cum predictis testibus anno, indictione, die, mense et pontificatu predictis presens interfui et ea omnia et singula de mandato et auctoritate sepedicti domini executoris scripsi et in hanc publicam formam redegi meoque signo consueto signaui rogatus (S. N.).

Source Fulltext: ZAHN, Codex Diplomaticus (=FRA II/35, Wien 1871) S. 140-144