Ich Ott von Zinczendorf vnd Syfrid vnd Ru^odolf von Zinczendorf tun chunt allen den (die) disen brief sehent oder hoerent lesen, daz wir dem erwirdign herren bischof Chu^onrat von Frising verhaizzen vnd gelobt haben mit gu^oten triwen, daz wir den hof den dev vrowe ze Randekk vnd ir chinde von vns ze lehen habnt, nyman anderm leyhen suellen, denne der selbn vrowen vnd ir chinden ob si da pei beleibn wellent, vnd nyman ander, swie der ald die genennet vnd gehaizzen sint, suellen wir den vorgenanten hof leyhen. Vnd daz wir des alles gepunden sin ze laisten vnd ze volfueren, dar vmb gebn wir dem vorgenanten herren bischof Chu^onrat disen brief versigelten mit vnsern anhangenten insigeln. Der brief ist gebn ze Waidhouen, do von Christes gepu^ertt worn drevczehen hundert jar vnd dar nach in dem drizzigisten iar, an sant Peters vnd sant Pauls tag.

Source Fulltext: ZAHN, Codex Diplomaticus (=FRA II/35, Wien 1871) S. 184-185