Ich Alb. der Sam vergich offenleich an disem brief, daz mir Ruger der Druchsecz richter ze Holnburch gegebn hat gueter werung vnd gancze richtigung Wienner pfenning zwai mi(n) sibenczk pfunt fur daz haus daz Gvtmans chind weilen richter ze Holnburch gewesen ist di daz nah rat vnd mit gvnst mein vnd ander irer frevnt verchouft vnd gegebn habnt dem wirdigin herren bischof Chvnrat ze Freysing vnd sinem gotshaus vmb di vor gnanten pfenning, der mich Rugern (!) ze rechten tagen als mir gehaizzen ward, vollichlich vnd gaenczlich gericht vnd geweret hat. Der brief ist gegebn der werung zv einem vrchund mit meinem insigel versiglt, do man von Christi gepurd zalt drevzehen hvndert iar, dar nah in dem ains vnd dreizkistem iar, an dem tag der Epyphaney.

Source Fulltext: ZAHN, Codex Diplomaticus (=FRA II/35, Wien 1871) S. 189