Charter: Freising, Bistum und Hochstift (763-1364) 1336 V 18
Signature: 1336 V 18
no graphic available
Zoom image:
Add bookmark
Edit charter (old editor)
18. Mai 1336, Waidhofen
Richter Wernhart und eine Zal genannter Bürger von Waidhofen verpflichten sich gegen Bischof Konrad von Freising betreffs pünctlicher Rückzalung von 20 Pfd. Pfennigen, welche sie von ihm, resp. dem Pfarrer von Gössling für die Bedürfnisse der Stadt entlehnt hatten.Source Regest:
ZAHN, Codex Diplomaticus (=FRA II/35, Wien 1871) S. 246 Nr. 659
ZAHN, Codex Diplomaticus (=FRA II/35, Wien 1871) S. 246 Nr. 659
Current repository:
Haus- Hof- und Staatsarchiv Wien
anhängendes Siegel
Material: Pergament
Ich Wernhart richter ze Waidhouen vnd Ott in der Gazzen vnd Hainrich der Sibenphunter vnd Dietrich sin aydem vnd Vlrich der Grabner, Hainrich an der Stieg, Ortel der Graf, Welfel der Hornler, Chvnrat dez sporer aydem vor dem Tor, Chvnrat Schartner, Hagen in dem Winchel, Chvnrat der alt Tufel, Mert in dez Valhans huz, Herman pei der Chirchen, Ruedel Gemlich, der Selig Vlrich, Fridrich der schulmaister, Fridrich der ledrer an dem Griezz, Ottl dez Sagsen aydem purger ze Waidhouen veriehen all gemaindlich an disem brief, daz wir haben gelobt vnd verhaizzen all vnuerscheidenlich vnserm erwirdigen herren von gotes gnaden bischolf Chvnraten von Frising vnd sinem nach chomen, ob er enwer vnd swelher pharrer ze Gestnik ist, vmb czwainczig phunt phenning di wir auf sant Merteins tag der schierist chumpt, sullen weren vnd geben vnd widerlegen an dy stat vnd in der gwalt da wir di czwainczik phunt phenning haben entlehent vnd genomen zu vnserr stat notdurft. Gebe wir di nicht wider auf sant Marteins tag an allen furezug vnd wider red, swenne vns denn vnser herr bischolf Chvnrat haizzt manen ald hin noch chomen (!), ob er enwer ald swer pharrer ze Gestnik ist, so sullen wir all gemaindlich in dew Newestat ze Waidhouen varen in ain huz da man vns in zaiget, vnd sullen da in laisten recht wi er scheft vnd nimmer dar auz chomen e daz wir dy czwainczig phunt vergelten vnd geben vnd widerlegen in der gwalt von denen wir dy czwainczig phunt haben genomen vnd entlehent, vnd swaz an vnser ainem ab gat, dez sol man sich auf di andern han vnuerschaidenlich. Wann wir aygener insigel nicht haben, so haben wir Wernharten vnsern statrichter gebeten, daz er sein insigel hat gehenchet an disen brieb (!) fur sich selben vnd fur vns andern ze ainem vrchund als dez an disem brief hie vor geschriben stat, daz wir dez als syen gepunden vnd zelaisten vnd zeuolfueren an all wider red vnd furczug. Ich Wernhart richter ze Waidhouen durich bet miner purger di an disem brief stant, vnd auch fur mich selb han ich mein insigel gelait vnd gehenchz (!) an disen brief zu ainem vrchund als dez an disem brief stat geschriben. Diser brief ist gegeben ze Waidhouen, do man zalt von Christes gepuerd drewczehen hundert iar, dar nach im sechs vnd drizzigistem iar, an dem hailigen abent ze Phingsten.
Source Fulltext: ZAHN, Codex Diplomaticus (=FRA II/35, Wien 1871) S. 246-247
Original dating clause: an dem hailigen abent ze Phingsten
Language:
Places
- Waidhofen
Freising, Bistum und Hochstift (763-1364) 1336 V 18, in: Monasterium.net, URL <https://www.monasterium.net/mom/FreisBm/1336_V_18/charter>, accessed 2025-04-23+02:00
You are copying a text frominto your own collection. Please be aware that reusing it might infringe intellectural property rights, so please check individual licences and cite the source of your information when you publish your data
The Charter already exists in the choosen Collection
Please wait copying Charter, dialog will close at success