Charter: Freising, Bistum und Hochstift (763-1364) 1340 VI 12
Signature: 1340 VI 12
Add bookmark
Edit charter (old editor)
12. Juni 1340, Lack
Priorin Agnes und der Convent zu Michelstetten verpflichten sich betreffs der gottesdienstlichen Leistungen für das Legat von 20 Mark Silbers, welche ihnen Bischof Konrad von Freising vermacht hatte.Source Regest:
ZAHN, Codex Diplomaticus (=FRA II/35, Wien 1871) S. 278 Nr. 686
ZAHN, Codex Diplomaticus (=FRA II/35, Wien 1871) S. 278 Nr. 686
Current repository:
Hauptstaatsarchiv München
2 angehängte Siegel ausgerissen
Material: Pergament
In nomine domini amen. Nouerint vniuersi presentes et posteri ad perpetuam rei memoriam, quod nos soror Agnes dicta priorissa ordinis sanctimonialium in Michelsteten et conuentus noster recepimus integraliter et complete per manum discreti viri Jacobi dicti Speyser ciuis in Lok viginti marcas argenti ponderati facientes denariorum Aquilegensium marcas triginta quatuor a reuerentissimo in Christo patre nostro domino Chunrado colende memorie quondam episcopo Frisingensi nobis et nostro monasterio legatas et ordinatas per irreuocabile et legitimum testamentum in sua vltima voluntate quas in vsum nostri monasterii conuertere tenebimur redditus annuos comparando, nos ad pacta subscripta iugiter obligantes, vt videlicet in diebus sui anniuersarii, scilicet tribus diebus diem Palmarum immediate sequentibus vigilias et missas pro defunctis in remedium sue anime agere debeamus et in eisdem diebus in refectorio conuentus consolabitur in suis prebendalibus secundum estimacionem reddituum predictorum, sequenti vero die, scilicet feria quinta id est in Cena domini panes ad mensuram sex Australium metretarum ad distribuendum pauperibus superuenientibus et elemosinam recipere volentibus pistabuntur ad laudem dei et remedium anime domini episcopi supradicti. Insuper singulis septimanis per totum annum missa vna pro defunctis cum vigiliis defunctorum pro eodem celebrabitur sicut in ordine fieri consweuit. Singulis eciam Sabbatis per anni circulum antiphona Salue regina cum collecta ad laudem beatissime virginis Marie deuote et sollempniter post completorium cantabitur in conuentu. Si vero predicta iuxta formam premissam non fierent, viginti marcas predictas propinquioribus heredibus prefati domini episcopi nos promittimus soluturos. Vt autem omnia prescripta per nos nobisque succedentes perpetualiter ac salubriter obseruentur presentem cartam cum appensione sigillorum nostrorum scilicet priorisse et conuentus voluimus roborari. Actum et datum in Lok, anno domini millesimo tricentesimo quadragesimo, die XII. mensis Junii.
Source Fulltext: ZAHN, Codex Diplomaticus (=FRA II/35, Wien 1871) S. 278-279
Original dating clause: die XII. mensis Junii
Editions:
- Meichelbeck II./2, 169, Nr. 262.
Comment
Eine ganz gleichlautende Urkunde (mutatis mutandis) stellen über denselben Betrag unterm 9. Juni am selben Orte Abt Johann von Viktring und der Convent daselbst aus.Language:
Places
- Lack
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
