APUD PERVISE.

Ego Desiderius Dei gratia Morinorum episcopus, tam presentibus quam futuris. Ne antiquitate temporum vel decessione veterum res gesta oblivioni tradatur, quedam nostris acta temporibus litteris deformari, et sigillo nostro muniri decrevimus. Giselbertus abbas de Enam quandam in nostra habons diocesi curiam, in parochia scilicet de Pervisia, ut ad dicendam sibi tantum et monachis suis missam in ea altare privatum statueret, multis a nobis et a predicte ecclesie persona, Hugone scilicet Furnensi abbate, precibus requisivit. Quod tandem pietatis intuitu et predicti abbatis permissu fieri concessimus, ea tamen conditione, ut nullus parrochianorum predicte ecclesie, nec etiam famulorum ipsius curie, vel circumiacentium parrochia norum ibidem missam audiat, vel oblationem faciat, nec quisquam recipiat, et ne eveniat, tam recipientem quam offerentem, excommunicationi subjicimus, et ne ulterius ibidem divina celebrentur interdicimus. Precipimus quoque ne quisquam in prefata curia quidquid ad jus parochiale pertinet recipere presumat, et quod sepe dicte ecclesie, vel ipsius sacerdoti sive in terre fructibus, sive in caseis, vel oblationibus de ipsa curia debit uni est, sicut a ceteris parrochianis, ad plenum reddatur et monachi qui missam non celebrarint, ad percipiendam eucharistiam et familia eorum ad oblationem faciendam statutis temporibus, suam parrochialem ecclesiam requirant. Actum est hoc anno Domini m° c° lxxii° indictione quinta. Testibus hiis, Everardo decano, Alulpho, et Galtero archiepiscopo, Balduino cantore, Iohanne cancellario, Eustachio magistro, Alelmo magistro, Alexandro Acquicinti, Godescalco sancti Bertini, Alexio Bergensi abbatibus.