Universis presentes litteras inspecturis Johannes dictus Hoste, decanus, et Ghisel- bertus thezaurarius ecclesie S. Walburgis Furnensis, Morinensis diocesis, salutem in eo sine quo non est salus. Noverit universitas vestra quod propter hoc specialiter in nostra presentia constitute Margareta de Rubrouc, Elizabeth et Katherina eius sorores, recognoverunt se vendidisse religiosis viris abbati et conventui monasterii S. Nicolai Furnensis, supradicte diocesis, vi solidos, vu denarios et obolum, Flan- drensis monete, super fundum in quo manet Katherina Bleckers, in villa Furnensi, in Rochghestrate, pro quadam summa pecunie, in qua dicto monasterio tenebantur dimidietate dicte pecunie in festo beati Iohannis Baptiste, et alia dimidietate in natali Domini perpetuo, integraliter, dicto monasterio, ab eis qui pro tempore in dicto fundo mansuri fuerint, persolvendis. Permittentes insuper dicte M. E. et K. vera fide, istud stabile permansurum, nec modis, nec dolis aliquibus, se nullatenus contraire, heredes super hoc suos, si qui fuerint, presentes et futuros imperpetuum tenore presentium obligantes. In cuius rei testimonium sigilla nostra hiis presen tibus duximus apponenda. Datum anno Domini m° cc° xcix° in octavis Purificationis gloriose virginis.

126