ANDISGHEM ACQUIS1TIS.

Wy Ian De Scildere, Malegher bailiu mervrouwen der abdessen van Mesine van hare vierscare van Lampernesse, Heinric Moens sone, Ian De Scildere, Malegher De Ionghe, Riquaert Pollaert, Ian Prizenier, Heinric De Monec, ghezworen vander sel ver vierscare, doen te wetene allen den ghenen die dese lettre sullen sien ende

22S

of horen lezen, dat Fransois Van Zoutena, ende Lysbette syn wyf, camen vor ons droughen up wel ende wettelike met halmen ende met ghiften, Woutren van Ansdinghem, zevene linen lants lichtelyc min of meer ligghende in Evermaers hernesse, in de prochye van Lampernesse. Voort so quam Wouter vorseit ende drouch up weder Franchoize, ende Lysbetten vorseit ende haerliedere oire, dit vorseide lant teenen eweliken chenze, dats te wetene, omme twintich scellinghe parisis siaers, dat es te verstane, den groten tornoysis over twaelf pene of ander munte int avenant, te gheldene dese vorseide rente, Woutren vorseit of den genen die dese lettere bringhet, ten tween paimenten int iaer dats te wetene, tien scel- linghe parisise te S. Bamesse nu eerst comende, ende tien scellinghe parisise te S. Murien daghe ter Lichtmesse daer na comende, ende also voort van iare te iare ewelyc gedurende. Voort waert dat zake, datteen paiement tander achterhaelde onvulgouden, so hadde Woutre vorseit of die ghene die deze lettere bringhen sal, mach hant te slane an dit vorseide lant omme te notene ende plotene, toter tyt dat de laetste penninc vergouden ware, vanden achterstelle, sonder ander wet daer toe te doene. In kennessen van deser dinc, hebben wy baeliu ende ghezwoerne vorseit deze lettere ghezeghelt met onsen zeghelen uuthanghende, die was ghemaect int iaer ons Heren m° ccc° ende xxxi° upten xvi^'011 dach vander maendt van maerte.