Wy Ian Veize ruddere, Xpristiaen de Visch, Iacob Alboud, Ian Colyn, ende Willem Scinkel, scepenen ende coriers van Veurnambocht, doen te wetene tallen den ghenen die dese lettere sullen sien ende horen lesen, dat Hannin Wydt ende Anne syn wyf, camen voir ons ende gaven up wel ende wettelike met halmen ende met ghiften, Lippin Ore te Ians Oren behouf, twee linen, ende xxv roeden lants quiter arven lettel min of meer, ligghende booster poort, in de prochie van sher Willems capelle booster kerke neven der moneken lande. Twelke lant vorseit ghelike ende also hevet Lippen vorseit van Ian Oirs halve weder ghegheven ten eweliken chenze, Hannin Wide, ende Aunes sinen wive, ende haerlieder oir, oui me tien scellinge parizisen tsiaers eweliker rente, te gheldene Ian Oire vorseit ende syn Oire of den ghenen die dese lettere sal bringhen ten tween paimenten int iaer dat es te wetene, dene heltscede te S. Ians messe nu eerst comende, ende dander heltschede te S. Baves messe naer volghende, ende also voert elkes iaers ewelike. Ende waer dat zake datmen die rente vorseit niet ne goude, waer bi dat teen paiment tander payaient achtervolghede onvolgouden, so hadde macht Ian Oire ende syn oir, of die ghene die dese lettere sal bringen hant te slane an dat vorseide lant, als an syn propre quite arve sonder ander wet eude prueve daer toe te doene. In kennessen van deser lettere ghezeghelt met ouseu zeghelen, die was ghemaect int iaer ons Heren m° ccc* ende xvi, up den eersten woenesdach in wedemaent.