In de name sVaders ende Soens ende seheleghes Gheest. Amen. Ie Elyose, Lam-

bracht Dumans dochter, bedochtich van minen vyf sinnen, make ende ordineere

mine testament ende myn restoor ende minen utersten wille, bi rade van minen

heere Ian Paepkine, prochipape van S. Wouborghen, ende Lambracht Dumanne

ende Ian Dumanne mine broeders, omme die salichede van miere zielen, in dezer

manieren. Int eerste so willic ende begare dat al die scult die ic sculdich bem ende

sculdich sal syn te miere doot die me sal moghen gheproeven, si ghegouden van

minen ghereetsten goede. Voort ghevie den prochipape van S. Wouburghen vorseit,

x scellinghe parisisen, ende eenen zelverinen lepel; den costren u scellinghe

parisisen; ten dissche van S. Wouborghen, v scellinghe parisisen. Voort ghevie

der abdien van S. Niclaus van Veurne, in beteringhen ende in restoore, ende

om myn iaerghetide ewelike te doene in die kerke vander vorseider abdien, vi pont

parisisen siaers, eweliker renten, up vu linen lants, ende xxxvm R. lettel min

17

130

of meer, ligghende biunen der prochie van S. Niclaus van Vorne, booster poort, dan of v linen lettel min of meer, benorden den weghe die legt van Veurne te Dixmude waert, neven der voorseider abdien lande, ende dander twee linen lettel min of meer, bezuden den weghe voorseit. Hier bi so wilic ende begare dat me mi begrave in de voorseide abdie neven Lizebetten Dumans, miere suster. Vort ghevic ter kerke van der prochie van S. Niclaus van Veurne, vi scellinghe parisisen. Ten dissche van der selver prochien, vi scellinghe parisisen. Voort ghevic om myn iaerghetide, in de kerke van S. Woudborghen van Vorne, m scellinghe parisisen siaers, eweliker renten, up u gemete lants lettel min of meer, legghende binnen der prochien van Oudenkerke, west waert over de wech neven Vermaben Clais Spaeds woninghe. Ende om dat ic Elyose vorseit wille ende begare, dat dit vorseide testament, ende restoor, ende myn uterste wille, si vast ende ghe- stade ende wel ghehouden, so heb ic ghebeden myn heere Ian Paepkine, prochipape van S. Wouburghen vorseit, ende Ian Dumanne ende Lambrecht Dumanne, minen broederen vorseit, ende den heere Ian de Haghel, ende den heere Pieter Pierote, capellane in de kerke van S. Wouborghen vorseit, dat sic dit orconden ende houden ghestade ende zeghelen met haren seghelen; die welke mie dit hebbt-n belovet ende hebben bezeghelt ende orconden met haren zeghelen bider bede van mie. Int iaer ons Heren m° ccc° ende xvi° up S. Max dach, in de maent van novembre.