Quod perhenni memoria dignum iudicamus, litterarum tenore diligenti cura commendare solemus. Hinc est quod ego Theodericus Dei gratia comes Flandrie, concambia terre inter ecclesiam sancte Walburgis et ecclesiam sancti Nicolay de Furnis facta, scribi et auctoritate sigilli mei preceperim communiri. Abbas G. et fratres prefate ecclesie sancti Nicolai sex mensuras secus atrium suum ad austrum sitas, a preposito et canonicis sancte Walburgis, per manum meam, acceperunt, et eisdem, quatuor mensuras atrio sancte Walburgis ab aquilonari parte contiguas, reddiderunt, quas ego etiam antequam darentur, causa Dei et sancti Nicolai a feodi jure, qua a me tenebantur, absolvi. Item abbas et filii eiusdem ecclesie predicti S. unam mensuram terre, a Remberto milite, eidem ecclesie collatam,

83

ecclesie sancte Walburgis dederunt, et ab illius preposito et canonicis aliam mensu- ram ad orientem oppidi Furnensis positam, receperunt, quam eciam ab hereditario jure possidentium, Ghunfridi videlicet et Balduini, magno precio redemerunt. Cui iterum facto, et assensum et manum adhibui, sicuti advocatum decebat, ac utriusque concambii pactionem, rogante Milone Morinorum episcopo, simul presentis privilegii munimento, diligentissime confirmavi. Actum est hoc anno Domini ar° c° xxx° vi°, Indictione xiiiij presentibus Milone archidiacono, Rogero preposito brugensi et cancellario, Ogero preposito, Gerardo preposito de Lo, Hermanno, Alexandro, canonicis Morinensibus, Balduino decano sancte Walburgis, Gerardo, Alwoldo, Sibaldo, Everardo, canonicis, presentibus etiam Giselberto Bergensi, Heinrico Broburgensi, Anselmo Yprensi, Herberto deWlfringhen, Wilhelmo Moran, aliisque quam plurimis.