Wy Kersteloet Bruninc, Willem Lippin, ende Pieter Staël, wichouders van der poort van Veurne, docn te wetene tallen den ghenen die deze lettere sullen zîen ende horenlezen, dat Ian die Vos, f. Sex Pierens Marseman, cam vor ons ende gaf up met halmen ende met ghiften wel ende wettelike ter vulre wet ende drouch in bants broeder Rengher van Ardenburgh canonec van S. Niclaus van Venrne, ter abdyen bouf van S. Niclaus van Veurne, twintich scellinghe parisise of alsulc paiment daer men mede mach copen ende overcopen sonder malicie siaers eweliker renten, te gheldene deene helt te midwintere die eerst comcn sal, ende dander helt te S. Ians messe midzomer daer naest comende, ende also voort van iare te iare ewelike, broeder Reingher of den ghenen die deze lettere sal bringhen. Die vorseide rente hevet de vorseide Ihan de Vos bezettet up die hofstede, daer bi up wonende es, ende up die bofstede naest hem ligghende bezuden, ende up de hofstede naest hem benorden. Ende voort waer dat zake, yet gbebrake an de vorseide bofsteden, so enbandoneit de vorseide Ian de Vos die vorseide rente up al tgoet dat hi hevet buter poort van Veurne, ende binnen de poort so waer dat es ende ment vinden mach. Inde orconscepe vander welker dine, hebben wy wethouder vorseit onze zeghele ghehanghen an deze lettre, die waren ghemaect int iaer ons Heren m° ccc° ende een, up den dinxdagh vor Sinte Laurens dach.