Jch Hermann Myddendvrff, van ko„ynck vnd keyserlich ge- walt vnd macht gewerdicheit vnd geordent Richter des heylgen Romischen Rychs, ein gehuldet Frygreve der konynck vnd keyser- licher dynckstat vnd Fryenstoll der fryen Graffschafft zn Arnsberg, myns gnedigen lieben Hern von Colln, Bekenne vnd thun kunt, vermitzst dießem offen verskegelten Briff, vür allen vnd Jglichen Hochmechtigen, hochwerdigen, Hochgeborn Fürsten vnd Herrn, konynck, keyser, Hertzogen, kurfürsten, Fürsten, Marckgrave, Lant- grave, Graven, Fryen, Edelen, Herrn, Ritter, Knechten, Houfft- lude, Amptlude. vogeden, Stolleherrn, gepstliche vnd wcrntlich, Allen Ersamen Frygreven, allen fürsichtigen Burgermeystern, Re den, Schulteßen, Richtern, Gemeynheiten der Steve, Lande vnd dorffe, allen Ersamen echten vnd rechten fryen Scheffen des hey ligen Romischen Rychs, inn was ftait, wesen, vnd würde die sint, des heyligen Rychs vnderthain vnd lieben getruwen, den die ser Brieff vurkompt, sehen, lesen, aff horen lesen, Das ich uff tag datum diß Briffs beseßen hann Etat vnd fryenstoll zu Arnß- berg inn dem Baumgarten vnder der Burch gelegen, mit Vrtel vnd mit Recht, gekleydeter gespanner Bank, zu rechter gericht Zyt tages, na ordenunge der heymlichen frien Gerichte, na fryen stoll recht zu richten ower Lyff vnd ere, mit andern erberen vnd Ersamen Frygreffen hernachgeschrtben, mit Namen, Regenhart Lorynden, der hochgeboren Fürste vnd Herrn, der Lantgraven von Hessen, Johan von Hulschede der Stat dortmunde, Conralt von Ramspecke zu Fredeberch, Moße von Loweyruck, Hussen zu Calwe, Herman Grosse vom Wenneberg, Slekorff zo Ruden, Johan Lewenkint der von Hurde, alle von konyncke vnd keyßer- lich macht vnd gewalt, gewordicheit vnd geordneten richter des heylgen Romischen Rychs von Verschribunge, vergaderunge vnd gebodes wegen des hochwirdigen vnd hochgeborn Fürsten vnd Herrn, Herrn Rupprecht, Ertzbischoff zu Cölln, des heyligen Rychs Ertzkantzeler inn Jtalien vnd kurfürste, Hertzog inn West- salln vnd zu Engern :c., Stathelder vnd vurweser von vnßerm allergnedigsten Hern dem Romischen Keyser, der heymlichen fryen gericht inn Westsallen darzu gesatzt vnd geordynert der fryen ge richt myns gnedigen lieben Herrn von Collen vurß. dar selvest vur mich Hermann Mydendorff, Frygreve vurß. vnd die andern

17*

— S«0 —

Besitzern vurß. frygreffen von dem genanten myne gnedige Herrn von Cölln, als ein stathelder der heyligen fryen gerichte, woll ge hurt, zu eynem gemeynen Capyttel tage verschribcn sint, gekom men vnd darselbest vür vns inn das gehechte heymlich frygericht gekommen vnd erschenen sint: der strenge Eruveste vnd Erber Ritter, Her Johan von Haitzfelt, Her zu Wildenberg, Mar- schalck inn Westsaln, vnd hait durch sinen erloufften vürsprecher vurgehalten etzlicher Briff Copien, inhalden einen gerechts tagk, Conrad'von Rysep frygrefe selige des vurß. fryenstolls zu Zlrnß, bergk gewesen, vyßgesant Allen vnd iglichen manspersonen ewer xun Jar alt sint, der Etat straisburgk vnd sunderlich heynrich Beygel von Geyßsplltzem darselbst, solicher fachen ein principatll, vryscheffen vnd wyssende der fryen gerichte auch, Auch alle vn- wyssende vnd keyn frygescheffen sint, Jgliche nach siner geburt geschriben aff etzlich proceß vnd vrtel Brieff, die Ersamen schef- fen Boppel vnd michel Borntruyt also cleger vurmalß na frigen- stols recht erlangt, Auch eine gemeyne vrtel Brieff allen vnd ig lichen :c. So die inne halden sint grosser swerer puncte vnd artickel vff zu sprechen dem heylgen Rych noit sint, die vurß. von Straißberg vnd Heinrich Bepger hoch vmb ire aller Liff vnd ere also beclagten in solichem weder die heymlich freyen gericht der heylgen Römischen kirchen vnd Cristen Glauben, den zu sterken, verbrochen haven, woll doch solich vurß. Vrdell Briff vormals von den genanten Heinrich Beyger angebracht clagen inn Capit- tel den genanten Steffen vnd Michel behalden, bestedicheit vnd conformiert geworden sint, na Jnhalt des Vrlffs vom Capittel darüber sprechende, Soliche erwonnene von Straißperg samt Hein- rich Beyger dem hilgen Ryche vngehorsam, den genanten Cle- gern vnd die des zu thun hoven, nyt vernoegunge doin willen, ere vnd recht vyßgeslagen vnd weygerunge geihan haven vnd noch tegelichen thunt, vmb ein solichs des vurß. Conrades von Rusep seligen, na fryenstols Recht eine gerichts tagk gelacht na Jnhalt der vurß. Copien, solichen Boden vnd Briefftrager des heyligen rlchs frygericht fronen, die genanten zu Straißperg vff des hey!- gen Rychs straissen, vnverfolget aller recht, wieder die gulden Bul len vnd koniglich Reformacie mörtlich von dem Lewen zum Tode gebracht haven, vff ein folich Vweldait vnd der vorß. vrtel Briff dett vnd ließ fragen der vurß. Her Johan von Haitzfelt, Ritter, durch sinen erlauffden Vursprecher einß rechts« Vrtels :c. So licher grosser swerer puncte vnd artickel die von Straißperg? vnd Heinrich Beyger in solichem wieder das heylige Romische Riche heymlich frygerichte der heyligen kirchen vnd Cristen Glauben den zu sterken, darmit vffgetzogen haven, ob man icht billich vnd inn

— 261 —

recht in diesem Capplttel geeichte solich vbel vnd mißdeder, oder ir aller Loff, gnt, vnd Er« richte mit der lcsten Vrtel vnd sen- tencie, na ftyenstolß rechte, oder was darvmb recht sy, Das Vrtel wart gestalt an zween echt vnd rechte Fryscheffen vnd schilt- burtige mann, darvmb vßgingen sich zu beraiden vnd keren mit vill schlltburtigen Rittermesigen vnd stete Frunden, vmbstende« des Capyttels vnd koment wieder inn Gerechte vnd wysten vu« recht lc. eintrechtlich sunder wyedersprechunge, das soliche Vbel- dait vnd mißdeder vurß. thun vnd gethain haven, so snöde vnd bose vnd voere vnd sich selvest ertzuget vnd verrechtet, inn die allerhöchste Wede des Keysers heymlich Frygericht vnd die Fryen- scheffen ire fryhen Scheffen Fryheit sich selbst intsatzst inn solichs zu verbolssen scmptlich vnd besunder, nach Inhalt der vurß. Vr tel Vriff, vnd sal man dicselven Mißdeder von stunt verichteu :c. vnd entsetzen vnd benennen alle ir Gerechtigkeit vnd alle kristllche gemeynschafft berauben vnd verbieden also vnglaubigen Cristen, vnd helren verbrochen liff vnd ere na ftyenstols recht, solich ge wist Vrtel von den frygreffen ernstlich vnd flehelich byden vnd gebeten haven vmb got vnd den :c. der heylgen kirchen vnd Cri sten glauben zu eren, zu willen aller kurfürsten, aller gueden kllsten menschen, den genant zu Straißberg vnd Heynrich Beyger noch einmal zu fchriben vff sotichen tag :c. der vürbestlmpt Briff, Conrait Rußip seliger eme andern gerichts tag legen vnd beno- men, sich nach zu bedenken, dem heyllgen Rych, den Clegern vnd die des zu thun haven ere vnd recht, mit vernoegunge des rechten doln wullen, oder aeber uff solichem bestympt gerichts- tag :c. kommen vnd na ftyenstols recht ir liff vnd Er zu verant worten zu iren höchsten rechten, aller puncten vnd artickel, na Innhalt aller Vrtel Vrlffe vurß., so vill sie mogen, Vnd kom men! sie dan nit, so sol man die egenant, wie vurß, ire Liff, gut vnd Ere verrichten :c. in dieselven Sentenclen, vnd over sie laißen gain. Ein solichs vmb got vnd woldait willen vffgenom- men wart ume der meyer. Zu andern mall der vurß. Hr. Io hann von Haitzfelt, Ritter, durch sinen erlauffden vursvrecher fraigen laissen eins rechten vrdelß :c. Soliche Vrtel gewist vnd gerichtstag zu legen vnd dan die Boden solich Briff tragen inn Sorgen irs libs, wie er dann den egenanten von Straßperg so, lichen Gerichtstag kunt vnd zu wißen thun vnd yme furder ver- fulgen aller redelicheit na frigenstols recht, inen recht geschie vnd nyemant kein vnrecht; Solich Vrtll wart gestalt an zween echt vnd recht fryscheffen vnd schillbürtige man, darvmb vyßglngen sich zu beraden vnd lern mit den vurß. vmbstendern des Capytlels vnd quamen wieder in gerichte vnd wissen wie recht :c. eintrachtlichen,

— 262 —

vur welichen frygreven vnd fryenstolle soliche Claige vnd mlssedat vurkompt mit Heyschunge des rechten, der vurgenant gewysten Vrtell, den richsteden vmbher zuschriben vnder finem Ingesigel versigelt, gebieden vnd verbieden by den penen des gemelteu ge- richts mit den vurß. vonStraißberg vnd Heinrich Beyger eynich Lypmanschafft, Handellunge vnd wandelunge, gemeynschafft mit kauff vnd verkauff, husen oder herbergen, nichts mit ynne zu haven, also das gantz werlt vursichtlich ist, das sie ynne mogen verkündigen, soliche gericht ghan uwer sie, vff den Tag das die ghene ynne benomen werden soliche :c. der vurß. Briffe, das sie koment vnd verantwurten iren liff vnd Ere :c. zu yrm hochsten rechte. Wan solichs geschehen ist vnd der :c. tag ist, und die verclageden nit komen, sal man :c, na fryenstols recht die ver- clageden, einmal, zum andern mal, zum dryten vnd zum fierden mal inn das heymlich frygericht laißen heischen, aebe sie dar sin oder nyemants von iren wegen volmechtigk, ire Llp, gut vnd Ere zu verantworten :c. Beschinent sie dan dar nicht, noch nye- mans volmechtig von iren wegen, sal man so vurß. vnd na Inn- halt aller vrtel Brlff, sie verbrochen haven declaracio in des heylgen richs heymliche frygericht ire aller lip, gut vnd er? na - fryenstols recht, der lesten Vrtel gerichte laißen qain, vnd sullent vürder merher in Missen vff marten, Landen, Steten vnd Dorf fern, in Kirchen, Clusen, zu Wasser vnd zu Lande, nirgen keyn fryhelt haven durch privilegien von Babsten, keyfern, konigen, Fürsten, Herrn, Stehen, Lande vnd Dorff, geyflliche, werntliche geleyde erwerben oder gewynnen vür soliche Missedait, nicht schu- ren noch schirmen ensall. Vürdermer der vurß. Her Iohann von Haitzfelt, Ritter, durch sine erlouffven vursprecher vürgehalttn ellich Brleff von vnßerm allergnedigisten Herrn dem Romischen Keyßer, mit seiner keyßerlichen Majestat Ingeßigel mit rodem Naß zuruckoffgetruckt, vßgangen vnd gegeben sint, mitIremInn- halt sin Keyßerlich Majestat verbieden vnd gebieden allen vnd ig- lichen stolle Herren, Frygreven, Fryscheffen, nemlich Conrat von Rusep, Frygreffe, vnd dem vurß. Herrn Iohann von Haitzfelt, Ritter, Iohann von Haitzfelt, Gebrüder, Iohanns Tuttel, visch- keilte des heyligen Rychs heymlich frygericht, den genanten Ste phan vnd Michel als Clegern vurder zu richten ower die genan ten zu Straßpergk also die Beclageden by swern phenen verbot- ten will haven, Soliche keyserlich Vrlff der genant Her Johann von Haitzfelt, Ritter, durch sinen erlouffden vursprecher zum drittenmal fralgeu laißen eins rechten Vrtels :c. zu Behoff vnd nolt allen stollhern, frygreven, Fryscheffen, Edeln, vnedel, so liche Brleff, geboit vnd verbolt sin keyßerliche Majestalt, als von

— 263 —

eynem Vnwyssenden vnd keyne ftyscheffea der heymlichen fryen geeichte sint, auch uff westfeiltzen ertrich nit gewesen en ist, yme bekentliche sint, aebe soliche Brieffe vnd dergliche wieder des heylgen Rychs heymliche frygericht geben, Fürsten, Herrn, Stede, Lande, vnd Dorff, in solichem zu verachten mit abeziehunge den heymlichen gerichten vnd die vergenckliche zu machen, obe soliche Briffe von werde sullent sin, oder was darvmb recht sy, auch Bollen, privilegien, Fryheit, Ineblclen, Vltel vnd proceß Nriff, Siegell, geleyde von siner keyßerlichen Majestät den ghenen ge- geven, lnn solichem Bande des heylgen Rychs heymliche fryge- lichte sint, vnd nach inn dem rechten hangende vnd sich na fryen- stols rechte nye geoffenbairt dem heylgen Roche, dem genanten steffen vnd michel als cleger den ghenen zu thun haven, Vermoe- gunge, ere vnd rechte zu thun off soliche Vngehorsam dem hey!- gen Ryche, darvmbe mit dem lesten Vrtell der heymlichen fryen gericht verrichtet werde, vnd sint soliche Bollen, Fryheit, Ge leyde, Inebicien, Briff, Slegell, privilegien, sicb der zu gepru- chen oder von werde sin fullen, was darvmb Recht sy. Das Vrtel wart gestalt an' zwene echte vnd recht fryscheffen vnd schilt- bürtige manne, darvmb vßgingen sich zu beraden vnd zu lern mit den vurß. vmbstendern diß Cappittels, vnd quamen wieder inn gerichte, vnd wysten vur recht :c. Sint dem mal vns allergne- digster Her der Romische keyser vff westfelschem «rtreich nit ge weist vnd nit Ftyscheffen der heymlichen fryengericht wysstnde ge worden sint, nae dem Eyde inn sin koniglicher Würde der Kro nung« gedaln, doln will, So wer« vnd sint soliche vurß. Bollen, privilegien, Inebicien, Geleyde, Orlel vnd proceß Brieff, Sie gell in solichem von siner keyserlichen Majestat wieder des heyli gen Rychs heymlich frygericht inn Westsallen allen vnd iglichen:c. gegeven weren vnd sint alle von vnwerde, machtloiß, crafftloiß, vnbündich zu halden, vnd nit von Werde gehalden sullen werden, vnd wieder sin keyßerliche Majestait vnd das heylge reiche sint, vnd wieder die Confirmacien vnd reformacien vnd alle Fryschef fen des heyligen Romischen Rychs darwider gethain, na eyden sin königlicher Würde der Krönunge ein merher des heylgen Richs sich schribe vnd sin sall den heymlichen fryen Gerichten, goede, dem heylgen Riche, der heyigen Romischen kirchen vnd Cristen Glauben, den zu sterken inn dem Lande zu Westsallen, inn dem ersten Gesetze vffgesast, geordnet vnd gemacht sint, von vunsem allerheylgsten vater Babst Leo vnd heylgen konynck vnd keyser Karle dem großen, von mltwirkunge vnd Ingebunge des heylgen Geist gesundert vnd confermiret haben, das weder geystliche noch werntliche swert darwleder nit sniden noch doin en sall, darmit

— s«4 —

die Rechtfertigen an irm recht betrungen, verhindert vnd vngetzo- gen fullen werden, sachen, Lyff vnd Ere beroren, von geordne, ten richtern vnd Frygreffen zu rychten, na an fryenstolln gehoren vnd nicht vur siner keyßerlichen Majestatt vnd kammergerichte als vür Vnwyssende vnd keyne fryscheffen sint, den heymlichen fryen gerichten nicht vff zu tziehen der heylgen Kirchen vnd Cristen Glauben billich vnd in rechte zulegunge thun vnd gesterkt wer den sollen, vnd alle die ghene soliche Brieff vurß. von siner key- serlichen Majestait vßbrengen vnd gebracht haven, darmit sin key- serlich Majestait betrogen verreitlich, vnd owel gewonnen, die fryen scheffen der heymlichen Gericht meyneidich, die Vnwyssende vnd keyn fryscheffen wieder got, ere vnd recht gethann, semplich vnd besunder der heylgen Kirchen vnd Crysten glauben den zu sterken, damit off getzogen, na Jnhalt des gemeynen Brtel Briffs, ein solichs dem heylgen Ryche, na fryenstols rechte zu verboyßen schuldich sint. Vurter mer der vorgenant Herr Johann von Haitz- felt, Ritter, durch sinen erlouffden Vursprecher zu vierden mal fraigen laissen eins rechten Vrtels :c. Einche Fürste geystliche oder werntliche, Grave, Edel, Fryherr, Ritter, Knecht, Stede, Lande oder Dorff, vff soliche vurß. Bollen, privilegien, Fryheit, Ge. leyde, Jnebicien, Brlffe, Siegell von vnserm allergnedigsten Hern dem Romischen keyser oder andern Fürsten, Herrn, Ste den, Lande, gegeven in solichem vurß. wieder der heymlichen fryen Gericht den Jhenen in solichem Bande verrichtet weren vnd sint, solich Fryheit haldenn wvlden oder dar uff denselven By- staut dain in irn steden, Glossen, Dorffen, vffhalden ir libe, gut, husen oder Herbrichen, kauffen vnd verkauffen, teill vnd gemeyne mit ynn haven, wyssentlichen ynn verkoiten were vonn den fryen- greven, was die verbrochen hatten, dem heylgen Ryche den Cle- gern v»d allen fryen scheffen. Was an zwene echte vnd recht fryscheffen vnd schiltbürtige Mann, darumbe vßgingen sich zu be- raiden vnd lern mit den vurß. vmbstendern des Cappittelö vnd qwamen vnd wysten vur recht:c. das dieselben vurß. inn solichem den vurß. Bystant theden vnd die verrichdeden soliche Fryheit deS keysers oder andern Bollen, Privilegien, Geleyde von keynem Herrn Stede, Lande, geystlich oder werntlich halten, vnd hal ten willen, dleselven sempliche vnd besunder inn allen Banden vnd Beswerniß der vurß. sin sullen vnd halten vnd richten, glich« den verrichteten vnd na fryenstols rechte verfallen sin sullen tghen yre Fryheit des rechten, wan sie die verrichteten solicher Fryheit gepruchen laissen mit zuvervussen schuldich sint, dem heylgen Ryche mit den verrichieden solange sie dem hilgen rich, der heymlichen fryen gericht gehorsam sint, vnd werden dem Cleger vnd die des

zu thun häven, vernoegunge gethan sy. Soliche Vrtel alle, wie vurß. wart gefraget :c. geflossen vnd nit wiedersprochen tc. ein- drechtliche gemeyner Fulge vnd volbart, dinckplichtigen Vmbsten- dern des Capittels, vnd von Cappitel gericht bestedtcheit vnd con- sirmeret. Hierby sint mit vnd anne gewesen, der Edel vnd wol- geporn Jungher, Jungher Otte, Grave zu Waldecken, Heinrich Schauer, Kellner zu Trenspergk, vnd die vesten Lyppel West- saillen Lantdroste des Stieffts Paderborn, Werner Wintter, Heinrich von Jrmekussen druste, Wilhelm von Plettenbergk, Com ralt von Tillen, druste zu Hachen, Heinrich von Bernkussen, Geodart Lurwalt, Conrait dye Wrede van mechthede, Johann von Eyden, Elius, Burgermeyster zu Ruden, Manß von Passen- husen, Herman Hilman vnd Johann Jckenam, Burgermeyster zu Geyßke, Johann Plettenbergk vnd Johan Blesse, Burgermeyster zu Werle, Johannes Herden, Burgermeyster der Stede Kurbach, Johan von der Lyppe, Eberhart Nessebart, Burgermeyster zu Arnßpergk, vnd vürder mangh Erbern echte vnd rechte fryschef- fen, Ritterschafft vnd stede Frunde gmach alle zu diessem vurß. Capittel verschriben. Dyß zu waren Vrkunde aller vurß. Vrtell vnd recht wyssen also ergangen, geschein vonn Worten zu Worten wair ist, vur mir vurß. Hermann Myddendorffe frygreffe vnd den andern frygreven vurß., So hann ich Hermann Mydden dorffe myn Jngesiegel vestencliche an diesen Brieffe gehangen, vnd die vurß. frygreven zu merer sicherheit der warheit Jre Jn- gesiegeln vestencliche by das myne gehangen, das wir alle vurß. bekennen thun vnd gethan haven. Geben uff Montagh nach der Crutze Wochen anno dm. millesimo quadringentesimo septuage- simo tercio.